«Qoshqar ata» qoımasynyń qaýpi týraly 30 jyldan beri aıtylyp keledi. Álsiz radıoaktıvti qaldyqtar topyraq betinde jatqandyqtan aınalasyndaǵy 3 eldi-mekenge qaýip tóndirip kelgen edi. Ekologıalyq aımaqta shamamen 372,0 myń adam turady. Jalpy, qaldyqtardyń aýdany 6600 gektar quraıdy.
Sondyqtan óńirdiń ekologıalyq máselesi – respýblıka deńgeıinde ózekti kúıinde qalyp tur. 2021 jyly 22 qyrkúıekte Qazaqstan Respýblıkasynyń Prezıdenti Qasym-Jomart Toqaev Mańǵystaý oblysynyń áleýmettik-ekonomıkalyq damýyna arnalǵan keńeste Úkimetke jáne oblys ákimdigine «Qoshqar-ata» qaldyq qoımasyn úsh jyl ishinde aıaqtaýdy tapsyrdy.
2021 jyly 10 qarashada respýblıkalyq búdjetten 1,0 mlrd teńge aýdarylyp, merdiger 2021 jyly rekýltıvasıalaý jumystaryn jasap, 30 arnaıy tehnıka men 70-ke tarta adammen 266,2 ga jerge 819,3 myń m3 topyraq tóseldi jáne jasalaǵan jumystarǵa tehnıkalyq qadaǵalaý júrgizilip keledi. Bólingen 1,0 mlrd. teńge tolyqtaı ıgerildi.
2022 jylǵa respýblıkalyq búdjetten 3,0 mlrd teńge bólinip, 905 gektar jerge rekýltıvasıa jumystary bastaldy. Biraq 2022 jyly tólem jasalǵan joq. Ústimizdegi jyldyń 20 tamyzdaǵy jaǵdaı boıynsha shamamen 160 gektar jerde jumystar júrgizilip, topyraq tóseldi.
– Mańǵystaý oblysynyń ákimdigimen osy jyllyń 28-shi aqpanynda «Qoshqar-ata» qaldyq qoımasyn qaıta qalpyna keltirý I-shi kezeń jobasyna túzetý engizý boıynsha tehnıkalyq jınalys ótkizilip, hattamasy jasaqtaldy. Jumystardy merziminde oryndaý maqsatynda merdiger smetalyq qunyn ózgertpeı, qaldyq qoımasynan 2,5 shaqyrym jerde ornalasqan karerden topyraqty tasymaldaýǵa kóshti, – dedi basqarma basshysy Dúısen Qusbekov.
2022 jyldyń 11 sáýirinde jobany túzetý týraly úsh jaqty memorandýmǵa qol qoıyldy, túzetý jumystaryn tóleý merdiger esebinen tólendi. Nátıjesinde, 2022 jylǵy 19 tamyzda «Qoshqar-ata qaldyq qoımasyn rekýltıvasıalaý» İ kezeńin túzetý boıynsha memlekettik saraptamasynyń oń qorytyndysy jáne memlekettik ekologıa saraptamasynyń oń qorytyndysy alyndy.
– Aldaǵy ýaqytta «Qoshqar-ata» qaldyq qoımasyn qalpyna keltirý» İ-kezeń» nysany boıynsha 2022 jylǵa arnalǵan jumys josparyna sáıkes jumystar júrgiziledi. Osylaısha, aldaǵy jyldarǵa ákimdik tarapynan suratylǵan qarajat qoldaý tapty, – dedi Dúısen Qusbekov.
