«Qoshqar ata» qoimasynyń qaýpi týraly 30 jyldan beri aitylyp keledi. Álsiz radioaktivti qaldyqtar topyraq betinde jatqandyqtan ainalasyndaǵy 3 eldi-mekenge qaýip tóndirip kelgen edi. Ekologiialyq aimaqta shamamen 372,0 myń adam turady. Jalpy, qaldyqtardyń aýdany 6600 gektar quraidy.
Sondyqtan óńirdiń ekologiialyq máselesi – respýblika deńgeiinde ózekti kúiinde qalyp tur. 2021 jyly 22 qyrkúiekte Qazaqstan Respýblikasynyń Prezidenti Qasym-Jomart Toqaev Mańǵystaý oblysynyń áleýmettik-ekonomikalyq damýyna arnalǵan keńeste Úkimetke jáne oblys ákimdigine «Qoshqar-ata» qaldyq qoimasyn úsh jyl ishinde aiaqtaýdy tapsyrdy.
2022 jylǵa respýblikalyq biýdjetten 3,0 mlrd teńge bólinip, 905 gektar jerge rekýltivatsiia jumystary bastaldy. Biraq 2022 jyly tólem jasalǵan joq. Ústimizdegi jyldyń 20 tamyzdaǵy jaǵdai boiynsha shamamen 160 gektar jerde jumystar júrgizilip, topyraq tóseldi.
– Mańǵystaý oblysynyń ákimdigimen osy jyllyń 28-shi aqpanynda «Qoshqar-ata» qaldyq qoimasyn qaita qalpyna keltirý I-shi kezeń jobasyna túzetý engizý boiynsha tehnikalyq jinalys ótkizilip, hattamasy jasaqtaldy. Jumystardy merziminde oryndaý maqsatynda merdiger smetalyq qunyn ózgertpei, qaldyq qoimasynan 2,5 shaqyrym jerde ornalasqan karerden topyraqty tasymaldaýǵa kóshti, – dedi basqarma basshysy Dúisen Qusbekov.
– Aldaǵy ýaqytta «Qoshqar-ata» qaldyq qoimasyn qalpyna keltirý» I-kezeń» nysany boiynsha 2022 jylǵa arnalǵan jumys josparyna sáikes jumystar júrgiziledi. Osylaisha, aldaǵy jyldarǵa ákimdik tarapynan suratylǵan qarajat qoldaý tapty, – dedi Dúisen Qusbekov.
