Mańǵystaý oblysy prokýratýrasynyń organdary balalar pansionattary túrindegi qaiyrymdylyq mekemelerin tekserý barysynda qoldanystaǵy zańnama talaptarynyń buzylǵanyn anyqtady, dep habarlaidy Dalanews.kz.
Prokýratýra málimetinshe, oblysta 5 pansionat qyzmet kórsetken (Munaily aýdanynda 2, Jańaózen qalasynda, Qaraqiia jáne Túpqaraǵan aýdandarynda 1). Alaida is júzinde mekemelerdiń qyzmeti olardyń jarǵylyq maqsattaryna qaishy kelgen.
"Barlyq mekemeler boiynsha tárbielenýshilerdiń dini ádebietterdi paidalanǵany jáne basqa da zańdylyqty buzýshylyq faktileri anyqtaldy. Bul rette qaiyrymdylyq mekemeleriniń bilim berý qyzmetimen ainalysýǵa litsenziialary bolmaǵan. Osylaisha balalardyń bilim, tárbie jáne ýaqtyly meditsinalyq kómek alý quqyqtary men bostandyqtary buzylǵan", - delingen málimette.
Tekserý nátijelerinen soń eńbek, sanitarlyq-epidemiologiialyq jáne órt sóndirý zańnamasynyń talaptaryn buzǵany úshin pansionattar basshylyǵyna qatysty 11 ákimshilik hattama toltyrylyp, 1,3 mln teńge aiyppul salyndy.
Budan bólek balalardy tárbieleý jónindegi mindetterdi tiisinshe oryndamaǵany úshin olardyń zańdy ókilderi (ata-analary) de ákimshilik jaýaptylyqqa tartyldy.
Qazirgi ýaqytta prokýrorlardyń talap-aryzdary boiynsha sotpen barlyq kórsetilgen pansionattardyń tirkeý kúshi joiylyp, qyzmetteri toqtatyldy.
