ماڭعىستاۋ وبلىسى پروكۋراتۋراسىنىڭ  ورگاندارى بالالار پانسيوناتتارى تۇرىندەگى قايىرىمدىلىق مەكەمەلەرىن تەكسەرۋ بارىسىندا قولدانىستاعى زاڭناما تالاپتارىنىڭ بۇزىلعانىن انىقتادى، دەپ حابارلايدى Dalanews.kz.

پروكۋراتۋرا مالىمەتىنشە، وبلىستا 5 پانسيونات قىزمەت كورسەتكەن (مۇنايلى اۋدانىندا 2، جاڭاوزەن قالاسىندا، قاراقيا جانە ءتۇپقاراعان اۋداندارىندا 1). الايدا ءىس جۇزىندە مەكەمەلەردىڭ قىزمەتى ولاردىڭ جارعىلىق ماقساتتارىنا قايشى كەلگەن.

"بارلىق مەكەمەلەر بويىنشا تاربيەلەنۋشىلەردىڭ ءدىني ادەبيەتتەردى پايدالانعانى جانە باسقا دا زاڭدىلىقتى بۇزۋشىلىق فاكتىلەرى انىقتالدى. بۇل رەتتە قايىرىمدىلىق مەكەمەلەرىنىڭ ءبىلىم بەرۋ قىزمەتىمەن اينالىسۋعا ليسەنزيالارى بولماعان. وسىلايشا بالالاردىڭ ءبىلىم، تاربيە جانە ۋاقتىلى مەديسينالىق كومەك الۋ قۇقىقتارى مەن بوستاندىقتارى بۇزىلعان"، - دەلىنگەن مالىمەتتە.

تەكسەرۋ ناتيجەلەرىنەن سوڭ ەڭبەك، سانيتارلىق-ەپيدەميولوگيالىق جانە ءورت ءسوندىرۋ زاڭناماسىنىڭ تالاپتارىن بۇزعانى ءۇشىن پانسيوناتتار باسشىلىعىنا قاتىستى 11 اكىمشىلىك حاتتاما تولتىرىلىپ، 1،3 ملن تەڭگە ايىپپۇل سالىندى.

بۇدان بولەك بالالاردى تاربيەلەۋ ءجونiندەگi مiندەتتەردi تيiسiنشە ورىنداماعانى ءۇشiن ولاردىڭ زاڭدى وكiلدەرi (اتا-انالارى) دە اكiمشiلiك جاۋاپتىلىققا تارتىلدى.

قازىرگى ۋاقىتتا پروكۋرورلاردىڭ تالاپ-ارىزدارى بويىنشا سوتپەن بارلىق كورسەتىلگەن پانسيوناتتاردىڭ تىركەۋ كۇشى جويىلىپ، قىزمەتتەرى توقتاتىلدى.