Mańǵystaý oblysynda qyzmet kólikterin jóndeýge 136 million bólinbek, – dep habarlaidy Dalanews.kz.
"KTK" telearnasy málimetinshe, Mańǵystaý oblysynyń ákimdigi 23 qyzmet kóligin kúrdeli jóndeýden ótkizý úshin 136 million teńge bólýdi josparlap otyr. Shamamen ár kólikke 6 million teńgege jýyq qarjy qarastyrylǵan.
4 sáýirde jariialanǵan tenderge sáikes ákimdikke qarasty basqarmanyń balansyndaǵy 23 kólik kúrdeli jóndeýden ótkiziledi. Mashinalardyń markasy da anaý-mynaý emes: kileń premiým sanattaǵy temir tulparlar sekildi.
"Jalpy oblys ákimdiginiń menshiginde 37 kólik bar, sonyń jartysynan kóbine kúrdeli jóndeý qajet", - deidi sheneýnikter.
"Kólikter eskirgen. 2005, 2010 jylǵy kólikter bar. Kóbine qozǵaltqyshtary, avtomat qorabyna kúrdeli jóndeý qajet. Kýzov jumystary, shanaqty syrlaý siiaqty. Kúrdeli jumys bolǵandyqtan qymbatqa shyǵyp tur", - deidi Mańǵystaý oblysy ákimdigi, is basqarmasy basshysynyń orynbasary Aibek Dúisenǵaliev.
