Jańaózen qalasynda Bozjyrada týristik nysandar salý boiynsha aldyn ala qoǵamdyq tyńdaý ótti,- dep habarlaidy Dalanews.kz
Uiymdastyrylǵan sharaǵa ardagerler, azamattyq qoǵam ókilderi, qoǵamdyq keńes músheleri, máslihat depýtattary, tabiǵat janashyrlary jáne sarapshylar qatysty.
Memleket basshysy Qasym-Jomart Toqaev Úkimettiń keńeitilgen otyrysynda jeke investorlardy tarta otyryp, Bozjyra syndy elimizdiń kórikti jerlerin týrizmniń ortalyǵyna ainaldyrýdy tapsyrdy.
Osy oraida otandyq investorlar jeke qarajatyna Bozjyrada jylyna 30-40 myń týristi qabyldai alatyn vizit ortalyǵyn jáne týristik nysandar salýdy kózdep otyr. Jańa jobany Sharyn, Kólsai, Aiýsai syndy týristik aimaqtaryndaǵy vizit ortalyqtarynyń qurylysyn júrgizgen álemdik deńgeide tájiribesi bar otandyq kompaniia jasaqtaǵan.
Joba avtorlarynyń aitýy boiynsha, ortalyq barlyq ekologiialyq talaptardy ári turaqty týrizm printsipterin eskere otyryp salynatyn bolady. Ortalyq qurylysy 2026 jyldyń sońǵy sheninde aiaqtalady dep josparlanǵan.
Ortalyq jinalmaly jeńil konstrýktsiialardan turǵyzylady, olar tereń irgetasty qajet etpeidi. Ǵimarat mekenniń jer bederine qarai 400-den 1000 mm biikte turatyn bolady. Sýmen, elektrmen jabdyqtaý jáne qaldyqtardy óńdeý máseleleri qorshaǵan ortaǵa meilinshe ziian tigizbeitindei etip sheshilgen. Qaldyq sýdy tazartatyn biotazartý júieleri, qoqysty suryptap jinaý, kún sáýlesimen qorektendirý qarastyrylǵan.
Joba boiynsha shatqaldyń joǵarǵy bóliginde qazaqi naqyshta bezendirilgen glempingter, murajai, qaraý alańdary men shaihana boi kóteredi. Zaman talabyna sai vizit ortalyq týrister barýǵa yntaly núktege ainalyp, ekologiialyq týrizmdi damytýǵa septigin tigizedijáne tabiǵi murany saqtaýdy qamtamasyz etedi.
Joba avtorlarynyń aitýynsha, vizit ortalyǵynyń maqsaty – tabiǵi landshaft pen mádeni murany saqtai otyra, saiahattaýshylardy kóshpendi órkeniet álemine jetelep, qazaq halqynyń tarihyn, salt-dástúrin nasihattaý.
Osyndai týristik nysandar Bozjyranyń tómengi jaǵynan da boi kóteredi. Munda etnoaýyl stilinde týristik qalashyq, eko-glempingter men basqa da týristik nysandar salynbaq. Týristik nysanǵa deiin jol salynyp, toq tartylady. Bul joba sátti júzege asqan jaǵdaida turaqty 70 jańa jumys orny ashylady.
Jaqyn mańdaǵy eldimeken turǵyndarynyń aýylsharýashylyǵy ónimderin, qolóner buiymdaryn satýyna múmkindik jasalady.
Qoǵamdyq tyńdaýǵa kelgen qatysýshylar Prezidenttiń týrizmdi damytýǵa qatysty bastamasyn qoldaityndaryn jetkizdi.
"Men munaishymyn. Munai bolashaǵynyń qanshalyqty uzaq bolary belgisiz. Sondyqtan ekonomikanyń ózge de salasyn, týrizmdi barynsha damytýymyz kerek. Oǵan Mańǵystaýda múmkindik zor. Ol týraly Prezident te kóp aityp júr. Biz árine Memleket basshysynyń baǵyt-baǵdaryn tolyqtai qoldaimyz",- dedi D.Izimov.
Al Jańaózen qalasynyń turǵyny Orazǵali Qaspaev jańa jobalar jergilikti turǵyndardyń kásippen ainalysyp, tabys tabýyna múmkindik bolaryna senimdi.
"Búgingi Bozjyra máselesi aqyry ornynan qozǵaldy. Biraq tek Bozjyra emes, meniń oiymsha Airaqty, Jyǵylǵan, Tuzbaiyr, Toryshta da qonaqúiler salynýy kerek. Grýziia, Túrkiia, Ázirbaijannan qai jerimiz kem? Biz árine qoldaimyz", - dedi qala turǵyny.
Munaishylar kásipodaǵynyń múshesi Sábit Tokenov birneshe jyl buryn bastaý alyp, aiaqsyz qalǵan Bozjyra jobasynyń qaita qolǵa alynǵanyna qýanyshty ekenin aitty.
"Endi toqtamaý kerek. Túbinde Mańǵystaýdyń ekonomikasynyń negizgi bóligi týrizm bolatyny sózsiz. Biz bolashaq jastarymyzdy týrizm, biotehnologiia, atom energetikasy, jasandy intellekt, tsifrlandyrý siiaqty mamandyqtarǵa oqytýymyz kerek",- dedi kásipodaq múshesi.
Jiyn qorytyndysy boiynsha joba qoldaý tapty.
