Búgin Mańǵystaý oblysynyń ákimi Nurlan Noǵaev Túpqaraǵan máslıhatynyń depýtattaryna QR Prezıdenti Ákimshiligimen kelisilgen jańa ákimniń kandıdatýrasyn usyndy. Aýdan ákiminiń laýazymyna jańa kandıdat Rahat Eltızarov boldy, – dep habarlaıdy Dalanews.kz Mańǵystaý oblysy ákiminiń baspasóz qyzmetine silteme jasap.

Rahat Eltızarov Aqtóbedegi «Dúnıe» ýnıversıtetin «Quqyqtaný» mamandyǵy boıynsha bitirgen. Sondaı-aq «Munaı jáne gaz ken oryndaryn ıgerý» boıynsha ınjener mamandyǵyn alǵan.

2005-2007 jyldary Mańǵystaý oblysy ishki saıasat departamentiniń mamany jáne bas mamany bolyp qyzmet etti.

2007-2010 jyldary Mańǵystaý oblysynyń ishki saıasat departamenti dırektorynyń orynbasary, Mańǵystaý oblysynyń ishki saıasat basqarmasy bastyǵynyń orynbasary boldy.

2010-2015 jyldary Aqtaý qalasy ákiminiń orynbasary qyzmetin atqardy.



2015-2016 jyldary oblystyq aýyl sharýashylyǵy basqarmasynyń sharýashylyq júrgizý quqyǵyndaǵy «Mańǵystaý oblystyq sýmen jabdyqtaý júıesi» MKK dırektory bolyp jumys istedi.

2016-2018 jyldary Mańǵystaý oblysynyń jerdiń paıdalanylýy men qorǵalýyn baqylaý basqarmasynyń basshysy boldy.

2018 jyldyń qarasha aıynan qazirgi ýaqytqa deıin Munaıly aýdanynyń ákimi laýazymynda boldy.

Depýtattar oblys ákimi usynǵan kandıdatýrany qoldady.

Aımaq basshysy Nurlan Noǵaev Rahat Eltızarovqa aýdannyń áleýmettik - ekonomıkalyq damýyna qatysty birqatar naqty tapsyrmalar berdi.