Mańǵystaý oblysynyń jańadan taǵaiyndalǵan ákimi Nurdáýlet Qilybai basshylyq qyzmetke taǵaiyndalýyna qatysty pikir bildirdi, - dep habarlaidy Dalanews.kz.
Nurdáýlet Qilybaidyń sózinshe, ol taǵaiyndalǵannan keiin úsh kúnnen soń "Prezidenttiń qabyldaýynda bolasyz" degen habar kelgen.
"Men úshin kútpegen jaǵdai, buryn-sońdy Prezidentpen kózbe-kóz otyryp sóilesip kórmegen, qabyldaýynda bolmaǵan adammyn. Prezidenttiń qabyldaýynda boldym. Árine, Qasym-Jomart Kemelulynyń beretin tapsyrmalarynyń barlyǵy - osy eldiń ósýi-órkendeýi, turmystyq jaǵdaiynyń jaqsarýy. Ár salany qozǵady: meditsina da bar, bilim de bar. Mańǵystaýda bilim kórsetkishi jaqsy bolyp turǵan joq. Investitsiia tartý, týrizmdi damytý degen siiaqty ártúrli baǵytta tapsyrma berdi. Men ol kisige qoshtasardyń aldynda "Qasym-Jomart Kemeluly, ruqsat pa, ishimde ketip qalmasyn, kókeiimde turǵan bir suraq bar" dedim. "Aityńyz" dedi.
Ashyǵyn aittym. "Buryn-sońdy joǵary laýazymǵa qoly uzyndaý, tanysy bar kisiler bolatyn edi. Jańaózen degen jerde júrgen qazaqtyń qarapaiym jigiti edim, bir kúnniń ishinde qalai bolyp ketkenin túsinbei qaldym" dedim. Ol kisi "syrtyńyzdan zerttedik, sizdi bir kúnniń ishinde taǵaiyndap tastaý nemese qoly uzyn kisiler týraly suraǵyńyzǵa qysqasha jaýabym: bul basqa Qazaqstan" dedi. Men bul suraqty Prezidentke qoidym. Eki aýyz sózben "basqa Qazaqstan" dep jaýap berdi", - deidi Nurdáýlet Qilybai Massaget.kz tilshisine bergen suhbatynda.
