Timýr Qulybaevtyń ornyna Ulttyq olimpiada komitetiniń prezidenti qyzmetine Gennadii Golovkin kelgennen keiin komissiia quramynda biraz ózgeris boldy. Bul ózgerister buǵan deiin de boljanǵan edi. Quramda áli de Eski Qazaqstannyń jarqyn ókilderi men oligarhtar bar, - dep habarlaidy Dalanews.kz.
Jańa quramda eks-sheneýnikter Asqar Mamin, Danial Ahmetov, oǵan qosa oligarh Bolat Ótemuratov ta júr.
Asqar Mamin qysqy sport túrleri boiynsha vitse-prezident, "Shaibaly hokkei federatsiiasy" RQU prezidenti qyzmetine keldi. Al Ulttyq federatsiia ókilderi qatarynda Danial Ahmetov pen Bolat Ótemuratovtyń esimi bar. Dálirek aitsaq, Ahmetov "Qazaqstan Respýblikasy jeńil atletika federatsiiasy" RQU prezidenti bolsa, Ótemuratov "Tennis federatsiiasy" RQU prezidenti bolyp otyr.
Buǵan deiin de Mamin men Ahmetovtiń kandidatýrasy usynylǵan bolatyn.
"Ulttyq olimpiada komitetiniń qysqy sport túrleri jóninen vitse-prezidenti qyzmetine burynǵy premer-ministr Asqar Maminniń kandidatýrasy usynyldy", - dep jazylǵan edi qujatta.
Áleýmettik jelilerde osyǵan deiin Maminniń Túrkiia elinde alańsyz júrgen videosy jylt etken bolatyn. Al oǵan deiin fýtbol federatsiiasynyń eks-prezidenti Ádilbek Jaqsybekov pen Asqar Mamin Ystambulda ótken Chempiondar ligasynda júrgen jerinen kózge tústi. Eks-shendi Mamin 2022 jyly laýazymynan túsip qaldy. Onyń ornyna Úkimetti basqarýǵa Álihan Smaiylov kelgen bolatyn.
Al Ahmetov jýyrda ǵana Astanada jeńil atletikadan Ámin Tuiaqov júldesine arnalǵan Astana Indoor Meet halyqaralyq týrniri aiasynda kózge túsip qalǵan edi. Derekterge súiensek, eks-sheneýnik jeńil atletika federatsiiasynyń prezidenti retinde barǵan. Shyǵys Qazaqstandy tapjylmai 9 jyl basqarǵan eks-ákim osylai sportty tizgindeýge oiysypty.
Qoǵamda Ulttyq olimpiada komitetiniń basshylyq quramyna qatysty qyzý daý júrgen edi. Depýtattar da bul máseleni birneshe márte kóterdi. Máselen, Bapi Qulybaevty ashyq synap tastady.
"Onyń oiy eldiń munaiyn satyp, qaltasyn toltyrý. Sportty qaitsyn?! ...Parij Olimpiadasy qarsańynda mundai jaǵdaiǵa múldem jol berilmeýi tiis! Ulttyq Olimpiada Komitetine túbegeili ózgerister kerek", - degen edi ol.
