"Janbolat Mamaıdy áli saıasatker retinde kórmeımin. Saıasatker degen máseleni sheshýshi adam, nemese naqty sheshetin joldaryn kórsetetin adam. Al Mamaıdyń Demo
kratıalyq partıasynyń baǵdarlamasyn oqydyńyz ba? Partıanyń atynan belgilengen usynystar boldy ma? Men estigen usynysy -halyqqa kredıttik amnıstıa jasaý. Nesıeni túgel keshirý kerek. Bizde ondaı múmkindik bar – deıdi. Bul halyqty aldaý men arbaý ǵoı. Kim keshiredi? Bankter keshire me? Banktiń shetelden alǵan qaryzyn kim keshiredi? Janbolat keshire me? Popýlısik, saıasattan alystaý, óziniń isimen aınalysyp júrgen azamattardy qasyna baýraý arqyly belgilengen topty uıymdastyryp júr», - dedi Elnur Beısenbaev.
Sonymen qatar, Janbolat Mamaıdyń Nur Otan partıasy Tóraǵasynyń birinshi orynbasary Baýyrjan Baıbekke qatysty jarıalaǵan vıdeomaterıalyna qatysty da pikirin bildirdi. Osydan biraz ýaqyt buryn, B.Baıbek atalǵan vıdeoda aıtylǵan málimettiń bárin teriske shyǵaryp, ony jaǵylǵan jala ekenin aıtty, sondaı-aq Janbolat Mamaıdy sotqa beretinin de resmı málimdegen bolatyn.
«Janbolat Mamaı Baýyrjan Baıbekke qatysty taǵy bir vıdeo shyǵaryp, ony debatqa shaqyrypty. Bul sasqan úırek artymen júzedi degenniń keıpi. Qandaı debat, adamǵa jala japtyń ba, endi sottyń aldynda jaýap ber. Aıtylǵan sóz – atylǵan oq. Zań saıasatkerge de, qarapaıym adamdarǵa ortaq», - deıdi E.Beısenbaev.
https://www.youtube.com/watch?v=l8APgkIFx48
