"جانبولات مامايدى ءالى ساياساتكەر رەتىندە كورمەيمىن. ساياساتكەر دەگەن ماسەلەنى شەشۋشى ادام، نەمەسە ناقتى شەشەتىن جولدارىن كورسەتەتىن ادام. ال مامايدىڭ دەمو
كراتيالىق پارتياسىنىڭ باعدارلاماسىن وقىدىڭىز با؟ پارتيانىڭ اتىنان بەلگىلەنگەن ۇسىنىستار بولدى ما؟ مەن ەستىگەن ۇسىنىسى -حالىققا كرەديتتىك امنيستيا جاساۋ. نەسيەنى تۇگەل كەشىرۋ كەرەك. بىزدە ونداي مۇمكىندىك بار – دەيدى. بۇل حالىقتى الداۋ مەن ارباۋ عوي. كىم كەشىرەدى؟ بانكتەر كەشىرە مە؟ بانكتىڭ شەتەلدەن العان قارىزىن كىم كەشىرەدى؟ جانبولات كەشىرە مە؟ پوپۋليستىك، ساياساتتان الىستاۋ، ءوزىنىڭ ىسىمەن اينالىسىپ جۇرگەن ازاماتتاردى قاسىنا باۋراۋ ارقىلى بەلگىلەنگەن توپتى ۇيىمداستىرىپ ءجۇر»، - دەدى ەلنۇر بەيسەنبايەۆ.
سونىمەن قاتار، جانبولات مامايدىڭ Nur Otan پارتياسى ءتوراعاسىنىڭ ءبىرىنشى ورىنباسارى باۋىرجان بايبەككە قاتىستى جاريالاعان ۆيدەوماتەريالىنا قاتىستى دا پىكىرىن ءبىلدىردى. وسىدان ءبىراز ۋاقىت بۇرىن، ب.بايبەك اتالعان ۆيدەودا ايتىلعان مالىمەتتىڭ ءبارىن تەرىسكە شىعارىپ، ونى جاعىلعان جالا ەكەنىن ايتتى، سونداي-اق جانبولات مامايدى سوتقا بەرەتىنىن دە رەسمي مالىمدەگەن بولاتىن.
«جانبولات ماماي باۋىرجان بايبەككە قاتىستى تاعى ءبىر ۆيدەو شىعارىپ، ونى دەباتقا شاقىرىپتى. بۇل ساسقان ۇيرەك ارتىمەن جۇزەدى دەگەننىڭ كەيپى. قانداي دەبات، ادامعا جالا جاپتىڭ با، ەندى سوتتىڭ الدىندا جاۋاپ بەر. ايتىلعان ءسوز – اتىلعان وق. زاڭ ساياساتكەرگە دە، قاراپايىم ادامدارعا ورتاق»، - دەيدى ە.بەيسەنبايەۆ.
https://www.youtube.com/watch؟v=l8APgkIFx48
