Aqmola oblysyndaǵy Makınsk qalasynda aýqymdy sý qubyry jelilerin jańǵyrtý jobasynyń birinshi kezeńi belsendi túrde júzege asyrylýda. Qazirgi tańda ınjenerlik jelilerdiń 76,7 shaqyrymyn qamtıtyn jumys kóleminiń 65 paıyzy oryndalǵan. Sonyń nátıjesinde 45 shaqyrym jańa qubyr tartyldy, – dep habarlaıdy Dalanews.kz
Joba aıasynda tozyǵy jetken sý qubyrlary tolyǵymen jańartylyp, zamanaýı ári senimdi júıelermen aýystyrylady. Jospar boıynsha jalpy uzyndyǵy 72,7 shaqyrym jańa sý jelisi salynady. Jobanyń jalpy quny — 3 382,9 mıllıon teńge. 2024 jyldyń ishinde 2 017,5 mıllıon teńge qarjy ıgerilgen. Jyl sońyna deıin taǵy 692,5 mıllıon teńge qosymsha qarajat bólinýi josparlanǵan.
Qurylys jumystaryn «ÝnıversalStroıServıs» JSHS júrgizýde. Kelisimshart boıynsha jumys quny 3 279,9 mıllıon teńgeni quraıdy.
Oblystyq energetıka jáne turǵyn úı-kommýnaldyq sharýashylyq basqarmasynyń habarlaýynsha, barlyq jumystar belgilengen keste boıynsha júrip jatyr. Qurylys jumystaryn bıylǵy qarasha aıynda tolyq aıaqtaý kózdelip otyr. Joba iske qosylǵan soń Makınsk qalasyndaǵy 18 myńnan astam turǵyn turaqty jáne ortalyqtandyrylǵan aýyz sýmen qamtylady.
Atalǵan joba halyqty taza aýyz sýmen qamtamasyz etýmen qatar, qalanyń sanıtarlyq jaǵdaıyn jaqsartýǵa jáne turǵyndardyń ómir súrý sapasyn arttyrýǵa eleýli úles qosady.
