ماكينسك قالاسىندا سۋ قۇبىرلارىن جاڭعىرتۋ جوباسى قارقىندى جٷرٸپ جاتىر

اقمولا وبلىسىنداعى ماكينسك قالاسىندا اۋقىمدى سۋ قۇبىرى جەلٸلەرٸن جاڭعىرتۋ جوباسىنىڭ بٸرٸنشٸ كەزەڭٸ بەلسەندٸ تٷردە جٷزەگە اسىرىلۋدا. قازٸرگٸ تاڭدا ينجەنەرلٸك جەلٸلەردٸڭ 76,7 شاقىرىمىن قامتيتىن جۇمىس كٶلەمٸنٸڭ 65 پايىزى ورىندالعان. سونىڭ نەتيجەسٸندە 45 شاقىرىم جاڭا قۇبىر تارتىلدى, – دەپ حابارلايدى Dalanews.kz

جوبا اياسىندا توزىعى جەتكەن سۋ قۇبىرلارى تولىعىمەن جاڭارتىلىپ, زاماناۋي ەرٸ سەنٸمدٸ جٷيەلەرمەن اۋىستىرىلادى. جوسپار بويىنشا جالپى ۇزىندىعى 72,7 شاقىرىم جاڭا سۋ جەلٸسٸ سالىنادى. جوبانىڭ جالپى قۇنى — 3 382,9 ميلليون تەڭگە. 2024 جىلدىڭ ٸشٸندە 2 017,5 ميلليون تەڭگە قارجى يگەرٸلگەن. جىل سوڭىنا دەيٸن تاعى 692,5 ميلليون تەڭگە قوسىمشا قاراجات بٶلٸنۋٸ جوسپارلانعان.

قۇرىلىس جۇمىستارىن «ۋنيۆەرسالسترويسەرۆيس» جشس جٷرگٸزۋدە. كەلٸسٸمشارت بويىنشا جۇمىس قۇنى 3 279,9 ميلليون تەڭگەنٸ قۇرايدى.

وبلىستىق ەنەرگەتيكا جەنە تۇرعىن ٷي-كوممۋنالدىق شارۋاشىلىق باسقارماسىنىڭ حابارلاۋىنشا, بارلىق جۇمىستار بەلگٸلەنگەن كەستە بويىنشا جٷرٸپ جاتىر. قۇرىلىس جۇمىستارىن بيىلعى قاراشا ايىندا تولىق اياقتاۋ كٶزدەلٸپ وتىر. جوبا ٸسكە قوسىلعان سوڭ ماكينسك قالاسىنداعى 18 مىڭنان استام تۇرعىن تۇراقتى جەنە ورتالىقتاندىرىلعان اۋىز سۋمەن قامتىلادى.

اتالعان جوبا حالىقتى تازا اۋىز سۋمەن قامتاماسىز ەتۋمەن قاتار, قالانىڭ سانيتارلىق جاعدايىن جاقسارتۋعا جەنە تۇرعىنداردىڭ ٶمٸر سٷرۋ ساپاسىن ارتتىرۋعا ەلەۋلٸ ٷلەس قوسادى.