Qazaqstanda shekara mańyndaǵy aýyl turǵyndarynyń jalaqysyn kóterý usynyldy, dep habarlaidy Dalanews.kz.
Elimizdiń shalǵaidaǵy shekaralyq aýyldarynda ómir súrý sapasyn jaqsartý úshin birqatar sharalar usynyldy. Bul bastamany Májiliste ótken aýyldyq aýmaqtardy damytý máseleleri jónindegi dóńgelek ústelde Shyǵys Qazaqstan oblysy ákiminiń orynbasary Darhan Sapanov kóterdi.
Sapanovtyń aitýynsha, shekara mańyndaǵy ekstremaldy tabiǵi-klimattyq jaǵdailary bar aýyldarda turatyn turǵyndarǵa eńbekaqyǵa arnaiy ústemeaqy qosý jáne eńbek ótilin esepteýdiń erekshe normalaryn engizý qajet.
Sonymen qatar, ol «Diplommen - aýylǵa» baǵdarlamasy aiasynda osyndai eldi mekenderge jumysqa kelgen jas mamandarǵa beriletin kóterme járdemaqyny úsh ese arttyrýdy usyndy - 2025 jyly 100 AEK-ten 300 AEK-ke deiin (393 200 teńgeden 1 179 600 teńgege deiin).
Balanyń týylýyna bailanysty tólenetin áleýmettik kómekti de kóbeitý usynyldy:
- Tórtinshi balaǵa deiin - 38 AEK-ten 57 AEK-ke deiin (149 416 teńgeden 224 124 teńgege deiin);
- Tórtinshi baladan keiin - 63 AEK-ten 95 AEK-ke deiin (247 716 teńgeden 373 540 teńgege deiin).
Sondai-aq, shekara mańyndaǵy aýyldarda turatyn otbasylarǵa, olardyń mindetti áleýmettik saqtandyrý júiesine qatysý-qatyspaýyna qaramastan, ai saiynǵy járdemaqy tóleý usynyldy.
Darhan Sapanov bul aimaqtarda ómir súrý sapasyn arttyrý úshin:
- Investitsiialyq jobalardy qarjylandyrýǵa arnalǵan jeke biýdjet baǵdarlamalaryn engizýdi;
- Shaǵyn jáne orta biznes sýbektileri úshin salyqtyq jeńildikter men artyqshylyqtar qarastyrýdy usyndy.
