Májiliste Eýraziialyq ekonomikalyq odaq aiasynda kedendik tranzittiń biryńǵai júiesine qatysty zań jobasy qaraldy, dep habarlaidy Dala News.
Zań jobasy Úkimettiń qaýlysymen Parlament qaraýyna engizilgen. Qujat EAEO men úshinshi taraptar arasyndaǵy kedendik tranzittiń biryńǵai júiesiniń negizgi qaǵidattaryn aiqyndaidy.
Jańa kelisimge sáikes, tasymaldaý rásimderin jeńildetý jáne biznes shyǵyndaryn azaitý kózdelgen. Atap aitqanda, biryńǵai tranzittik deklaratsiiany elektrondy formatta qoldaný, kedendik tólemderdi qamtamasyz etýdiń ortaq tetigin engizý josparlanyp otyr.
Sondai-aq taýar qozǵalysyn baqylaý úshin navigatsiialyq plombalardy paidalaný jáne keden organdarynyń sheshimderin ózara taný qarastyrylǵan.
Depýtattardyń aitýynsha, bul ózgerister baqylaýshy organdardyń aralasýyn azaityp, logistikalyq protsesterdi ońtailandyrýǵa múmkindik beredi.
Sonymen qatar Májiliste investitsiialyq ahýaldy jaqsartýǵa baǵyttalǵan taǵy bir kelisim qaraldy. Qujat salyqtan jaltarýdyń aldyn alý, aqparat almasýdy kúsheitý jáne memleketter arasyndaǵy ekonomikalyq yntymaqtastyqty damytýǵa baǵyttalǵan.
Úkimettiń málimetinshe, zań jobalaryn iske asyrý úshin qosymsha biýdjet qarajaty talap etilmeidi.
Parlament Májilisiniń barlyq komitetteri qujattarǵa oń qorytyndy bergen. Qarjy jáne biýdjet komiteti zań jobalaryn qabyldaýdy usyndy.
