Májiliste eń uzaq otyrǵan TOP-5 depýtat belgili boldy, dep habarlaidy Dalanews.kz.
Bul týraly jýrnalist Georgii Sentsov zertteý jasaǵan.
5-orynda: Depýtattyq ótili 7 jyldan asqan 2 depýtat
Albert Raý. 2017 jyldyń naýryz aiynda investitsiialar jáne damý boiynsha birinshi vitse-ministr qyzmetin atqaryp júrgen Raý VI shaqyrylymdaǵy Májilis depýtaty bolyp «Nur Otan» (qazirgi «Amanat») partiiasynan sailandy. Ol qaitys bolǵan depýtat Sergei Diachenkonyń ornyn almastyrdy. Sodan beri Raý Májilisten ketken joq, VII jáne VIII shaqyrylymdarda da qaita sailandy. Qazirgi ýaqytta ol Parlament Májilisi tóraǵasynyń orynbasary qyzmetin atqarady.
Magerram Magerramov. Ol uzaq ýaqyt boiy Májilis depýtaty bolýǵa tyrysty, biraq 2016 jyly ǵana halyq qalaýlysy atanyp, VI shaqyrylymnyń depýtaty bolyp, Qazaqstan Halyq partiiasynan (QHP) sailandy. VII shaqyrylymda ol partiialyq tizim boiynsha bos orynǵa ie boldy. Qazir Magerramov QHP fraktsiiasyn basqarady jáne zańnama men sot-quqyqtyq reforma komitetiniń hatshysy. Sońǵy bir jylda ol 94 depýtattyq saýal joldaǵan.
4-oryn: Dáýlet Turlyhanov (shamamen 8 jyl)
Dáýlet Turlyhanov zań shyǵarý qyzmetin 1994 jyly Qazaqstannyń Joǵarǵy Keńesiniń depýtaty retinde bastady. Keiin ol I jáne II shaqyrylymdardaǵy Májilis depýtaty bolyp sailandy. Osydan keiin Turlyhanov Parlamentten ketip, Týrizm jáne sport agenttiginiń tóraǵasy boldy, biraq 2023 jyly birmandatty okrýg boiynsha sailaýda jeńiske jetip, qaita oraldy. Onyń Májiliste 19 depýtattyq saýaly tirkelgen.
3-oryn: Ótili 8 jyldan asqan bes depýtat
Daniia Espaeva («Aq jol»). Májilis tóraǵasynyń orynbasary, qarjy jáne biýdjet komitetiniń hatshysy. 2019 jyly Qazaqstan prezidenttigine úmitker boldy.
Irina Smirnova (QHP). Burynǵy mektep muǵalimi, áleýmettik jelilerde belsendiligimen tanymal. COVID-19 pandemiiasy kezinde Almaty qalalyq qoǵamdyq densaýlyq saqtaý basqarmasynda volonter bolǵan. VIII shaqyrylymda 221 depýtattyq saýal joldaǵan.
Snejanna Imasheva («Amanat»). «Janýarlarǵa jaýapkershilikpen qaraý týraly» zań jobasynyń avtorlarynyń biri. 2023 jyldan beri úsh depýtattyq saýal joldaǵan.
Erlan Barlybaev («Aq jol»). Agrarlyq máseleler komitetin basqarady. Sońǵy bir jylda 128 saýal joldaǵan.
Pavel Kazantsev («Amanat»). Agrarlyq máseleler komitetiniń múshesi, Qazaqstannyń sporttaǵy jetistikteri týraly jii pikir bildiredi. Ol 43 depýtattyq saýal joldaǵan.
2-oryn: Azat Perýashev (shamamen 13 jyl)
«Aq jol» partiiasynyń tóraǵasy jáne Májilistegi fraktsiia basshysy. Onyń saiasi mansaby birqatar airyqsha bastamalarymen este qalǵan, mysaly, jastar úshin asúi men sanitarlyq torapsyz páterler salý ideiasy nemese «Qazaq Respýblikasy» ataýyn qaitarýdy usyný. Sondai-aq, ol Nursultan Nazarbaevtyń otstavkasyn jariialaǵan kezde suhbat barysynda kóz jasyna erik bergen sátimen tanymal.
VIII shaqyrylym kezinde 134 saýal joldaǵan.
1-oryn: Nurtai Sabilianov (18 jyldan astam)
Májilistiń «ardageri» «Amanat» partiiasyn usynady. Onyń mansaby 2004 jyly bastalyp, sodan beri III, IV, V, VI jáne VIII shaqyrylymdardyń depýtaty bolyp sailanǵan.
Karerasyndaǵy eleýli oqiǵalardyń biri – óziniń sailaýshylaryna qarsy 500 myń teńge moraldyq ótemaqy talap etken sot isi boldy. Bul shaǵym Shyǵys Qazaqstan oblysynyń (qazirgi Abai oblysy) Aiagóz aýdany Tarbaǵatai aýyly turǵyndarynyń «Jas Alash» gazetine jazǵan hatyna bailanysty kóterildi. Hatta turǵyndar depýtat Sabilianovtyń sailaýaldy ýádeleri oryndalmaǵanyn málimdegen. Is aqyrynda tatýlasýmen aiaqtaldy.
VIII shaqyrylym bastalǵaly Sabilianov 33 saýal joldaǵan.
