Parlament palatalarynyń birlesken otyrysynda Májilis tóraǵasy Erlan Qoshanov Úkimetpen jumys barysynda problemalar baryn aitty, dep habarlaidy Dalanews.kz.
"Konstitýtsiia boiynsha depýtattarmen qatar Úkimettiń de zańǵa bastamashylyq etýge quqyǵy bar. Alaida zań jobasyn ózderi ázirleý ornyna, ministrlikter máseleni depýtattardyń túzetýleri arqyly nemese Parlamentke hat jazý arqyly sheshýdi ádetke ainaldyra bastady. Úkimet reglamenti boiynsha túzetýlerdi zań jobasyn Májiliste talqylaý kezinde engizý týraly norma bar. Biraq ministrlikter tarapynan ol normaǵa tym jii júginý baiqalyp otyr. Keide ondai túzetýler tipti jalpy otyrys ótetin kúni kelip túsip jatady. Osy sessiiada mundai tarmaq boiynsha Úkimetten kelip túsken hattar sany eki ese artty", - deidi ol.
Aita keteiik, 30 maýsymda Parlament palatalarynyń biylǵy saiasi maýsymdaǵy sońǵy birlesken otyrysy ótti. Májilis spikeri Erlan Qoshanov atqarylǵan jumystardy qorytyndylady.
"Búgin segizinshi sailanǵan Qazaqstan Respýblikasy Parlamentiniń úshinshi sessiiasynyń jumysyn aiaqtaǵaly otyrmyz. Biz óz ókilettigimizdiń týra bel ortasyna keldik. Is júzinde bul – birlese atqaryp jatqan jumysymyzdyń mańyzdy kezeńi, mejeli belesi", - dedi ol.
