Búgin Májilis depýtattary Senattyń "Qazaqstan Respýblıkasynyń keıbir zańnamalyq aktilerine qarjy naryǵyn damytý, qarjylyq kórsetiletin qyzmetterdi tutynýshylardyń quqyqtaryn qorǵaý, baılanys jáne artyq zańnamalyq reglamentteýdi bolǵyzbaý máseleleri boıynsha ózgerister men tolyqtyrýlar engizý  týraly" zańǵa engizgen túzetýlerimen kelisti, dep habarlaıdy Dalanews.kz.

Senat uıaly baılanys operatorlaryna alaıaqtyqqa qarsy ishki júıeler qurýdy jáne ruqsat etilmegen trafıkti buǵattaýdy, sondaı-aq jalǵan qońyraýlar shalynǵan abonenttik nómirlerdi buǵattaýdy jáne olar týraly aqparatty Ulttyq banktiń Alaıaqtyqpen kúres ortalyǵyna berýdi talap etýdi usyndy.

Sonymen qatar ýákiletti memlekettik organdardyń aqparattyq júıeleri men kredıttik búro arasynda áskerı qyzmetshilerdi mindetti áskerı qyzmetke shaqyrý týraly aqparat almasý tártibi týraly qaǵıdalar kúsheıtiletin bolady. Áskerı qyzmetshilerge nesıe berýge tyıym salý olardyń mindetti áskerı qyzmetke shaqyrylýy týraly aqparat kredıttik esepte kórsetilgennen keıin kúshine enedi.

Buǵan deıin Senat depýtattary atalǵan zań jobasyn Májiliske qaıtarǵan bolatyn. Qujat normalary básekelestikti arttyrý jáne bank sektoryna ınvestısıalar tartý úshin jaǵdaılar jasaýǵa, saqtandyrý naryǵyn jáne baǵaly qaǵazdar naryǵyn damytýǵa, qarjylyq qoljetimdilikti arttyrýǵa, qarjylyq qyzmetterdi tutynýshylardyń quqyqtaryn qorǵaýǵa jáne qarjy naryǵyndaǵy alaıaqtyqqa qarsy is-qımyldardyń jolyn kesýge baǵyttalǵan.