Buǵan deıin senatorlar «Tuńǵysh prezıdent – Elbasy» týraly Konstıtýsıalyq zańǵa ózgeristerdi qabyldady. Oǵan sáıkes, Elbasynyń Qaýipsizdik keńesine jáne Qazaqstan halqy assambleıasyna ómir boıy tóraǵalyq etý quzireti toqtatyldy.
Alaıda zań jobasyn qaraý barysynda Senat Elbasymen memlekettik bastamalardy kelisý qajettiligin alyp tastaýdy usynyp, Konstıtýsıalyq zań jobasyn májiliske qaıtardy.
Búgin, 2 aqpanda ótken májilis otyrysynda depýtattar Senat engizgen ózgeristi maquldady.
– Zań jobasyn Parlament Senatynda qaraý barysynda qosymsha túzetý engizildi. Atap aıtqanda, senat memlekettiń ishki jáne syrtqy saıasatynyń negizgi baǵyttary boıynsha ázirlenetin bastamalar Qazaqstannyń tuńǵysh prezıdenti – Elbasymen kelisýdi kózdeıtin bapty alyp tastaýdy usyndy. Sebebi Konstıtýsıaǵa sáıkes, respýblıka prezıdenti memlekettiń ishki jáne syrtqy saıasatynyń negizgi baǵyttaryn aıqyndaıdy. Sondaı-aq el ishinde jáne halyqaralyq qatynastarda Qazaqstan atynan ókildik etedi. Qoryta aıtqanda, parlament engizgen ózgerispen kelisýdi usynamyz, – dedi májilismen, zańnama jáne sot-quqyqtyq reforma komıtetiniń tóraǵasy Arman Qojahmetov.
Májilis depýtattary bul usynysty biraýyzdan qoldady. Parlament qabyldaǵan Konstıtýsıalyq zań memleket basshysynyń qol qoıýyna jiberildi.
QHA men Qaýipsizdik keńesi tóraǵasynyń ókilettikteri Qazaqstan prezıdentine berildi.
