2025 jylǵy 28 qazan kúni Májilistiń jumys toby arhiv isi máseleleri jónindegi zań jobasy aiasynda LGBT men pedofiliiany nasihattaýǵa tyiym salý týraly normany qarastyryp, qoldady, dep habarlaidy Dalanews.kz.
Palata dálizinde depýtat Natalia Dementeva túsindirip ótkendei, túzetý áleýmettik jelilerde, kinofilmderde jáne jarnamada nasihattaýǵa tyiym salýdy kózdeidi.
«Iaǵni, túsinesizder ǵoi, buǵan tyiym salynýy kerek. Bizdiń balalarymyz áleýmettik jelilerde mundaidy ashyq túrde kórmeýi tiis», – dedi ol.
Sondai-aq jýrnalister odan eger filmde dástúrli emes qatynastar beinelense, ony da tyiym salý qarastyryla ma dep surady.
«Meniń oiymsha, ondai filmderge tyiym salynýy kerek. Mundai máselelerdiń naqty tustaryn, bálkim, Aqparat jáne mádeniet ministrligi túsindirýi tiis shyǵar. Biraq osy túzetýge sáikes, ondai filmderge túzetý engizilýi qajet. Iaǵni, olardy prokatqa jiberý kerek pe, álde olar qazaqstandyqtarǵa jat jalǵan ideologiiany nasihattai ma – mine, osyny túsiný kerek», – dedi depýtat.
Jaýapkershilik máselesine qatysty Dementeva bylai dedi:
«Eger biz qazir qylmystyq jaýapkershilik týraly aita bastasaq, bul tym qatty aitylǵan bolar edi. Nelikten? Óitkeni bul jerde quqyqtardy shekteý týraly suraq týyndaidy. Biraq negizinen biz eshkimniń quqyǵyn shektemeimiz. Biz balalarymyzdyń moraldyq jáne psihologiialyq jaǵdaiyna qamqorlyq jasap otyrmyz. Sondyqtan biz bul azamattarǵa qarsy emespiz, muny naqty túsiný qajet. Olar – bizdiń qoǵamnyń azamattary. Olar da qazaqstandyqtar, tek dástúrli emes belgili bir qundylyqtardy nemese qatynastardy ustanady», – dep túiindedi ol.
