Soltústik Qazaqstan oblysynda qumar oiyndarǵa áýestengen toǵyz memlekettik qyzmetker qyzmetinen bosatyldy. Bul týraly Memlekettik qyzmet isteri departamenti málimdedi, dep habarlaidy dalanews.kz.
Resmi málimetke sáikes, byltyr Taiynsha, Aqjar jáne Esil aýdandary ákimdikterinde jumys istegen alty qyzmetker jumystan qýylǵan. Al 2026 jyldyń ózinde taǵy úsh memlekettik qyzmetker qyzmetimen qosh aitysqan.
Vedomstvo ókilderiniń aitýynsha, býkmekerlik keńseler men kazinoǵa táýeldilik memlekettik qyzmet salasyndaǵy ózekti máselelerdiń birine ainalyp barady.
Mamandar memlekettik qyzmetkerlerdiń qumar oiyndarǵa qatysýy qyzmettik ádep normalaryn óreskel buzý bolyp sanalatynyn atap ótti. Mundai áreket tártiptik jazaǵa ǵana emes, jumystan shyǵarýǵa da sebep bolýy múmkin.
Osy oqiǵalardan keiin óńirde lýdomaniianyń aldyn alý jáne túsindirý jumystary kúsheitilgen.
