"Qazaqmys korporatsiiasy" JShS kásiporyndarynda kúrdeli taý-ken jáne shahta jaǵdaiynda paidalanylatyn mamandandyrylǵan avtokólik quraldaryn tájiribelik-ónerkásiptik synaqtan ótkizý jalǵasýda, dep habarlaidy dalanews.kz.
Synaqtan ótkizilip jatqan BAW (Beijing Automobile Works) óndirisiniń tehnikasy tar jáne ortasha kólemdegi jerasty qazbalarynda paidalanýǵa beiimdelgen ári zamanaýi ónerkásiptik qaýipsizdik júiesimen qamtylǵan. Tehnika ROPS/FOPS sertifikattalǵan qorǵanys qurylymymen (aýdarylǵan nemese zat qulaǵan kezde personaldy qorǵaidy), 360° panoramalyq beinebaqylaý júiesimen, kúsheitilgen tejeý júiesimen, jyldamdyqty avtomatty shekteý qyzmetimen jáne jabdyqtyń jai-kúiin baqylaý quraldarymen jabdyqtalǵan.
Buryn kenishterde qoldanylǵan jalpy maqsattaǵy avtokólikpen salystyrǵanda mamandandyrylǵan kólik quraly senimdirek jumys istep, kúrdeli paidalaný jaǵdaiyna tez beiimdelýimen jáne qyzmet kórsetý shyǵynynyń tómendigimen erekshelendi.
Alǵashqy synaq nátijesi jańa tehnikanyń eńbek qaýipsizdigin kúsheitýge, jabdyqtyń bos turyp qalýyn azaitýǵa jáne óndiristik úderistiń tiimdiligin arttyrýǵa múmkindik beretinin rastady.
Qazirgi ýaqytta korporatsiia bul tehnikany Toptyń óndiristik alańdaryna kezeń-kezeńimen engizý múmkindigin qarastyrýda.
