Ústirt memlekettik tabiǵi qoryǵynyń qyzmetkerleri fototuzaqtarǵa túsken jańa kadrlardy jariialady, dep habarlaidy dalanews.kz.
Kadrlarda qoryq aýmaǵynda tirshilik etetin janýarlar men qustar beinelengen. Mamandardyń aitýynsha, fototuzaqtar jabaiy tabiǵattaǵy ań-qustardyń jaǵdaiyn baqylaýǵa múmkindik beredi.
Fototuzaq obektivine dala túlkisi, kekilikter men dala qasqyrlary túsken. Sonymen qatar qurylǵylar arqarlar men ústirt arqary — ýrialdardy da túsirip alǵan.
Qoryq ókilderiniń málimetinshe, Ústirt memlekettik tabiǵi qoryǵynda qoldanylatyn fototuzaqtar tabiǵatty qorǵaý jáne ǵylymi zertteý jumystaryna arnalǵan biologiialyq qaýipsiz qural bolyp sanalady.
«Fototuzaqtar janýarlar men qustardyń qozǵalysy men minez-qulqyn táýlik boiy baqylaýǵa múmkindik beredi. Bul olardyń tabiǵi mekendeý ortasyna ziian keltirmei jáne tabiǵi protsesterge aralaspai júzege asady», – delingen habarlamada.
