Aqtaýda kúzgi shaqyrylym boiynsha áskerge attanatyn sarbazdardy shyǵaryp salý rásimi ótti, dep habarlaidy Dalanews.kz Otpannews.kz-ke silteme jasap.
Saltanatty sharada 25 jas sarbazdy týǵan-týystary qimastyqpen shyǵaryp saldy. Sonymen qatar, qala ákimi Ábilqaiyr Baipaqov pen Májilis depýtaty Natalia Dementeva óz tilekterin bildirip, sarbazdarǵa sát-sapar tiledi.
“Otan aldyndaǵy boryshty óteý – ár azamattyń qasietti mindeti. Áskerge alynǵan sarbazdarǵa aq jol tileimiz. Ata-anańyzdyń úmitin aqtap, elge aman-esen oralýyńyzdy tileimiz,” – dedi Ábilqaiyr Baipaqov.
Aqtaýdan áskerge shaqyrylǵandardyń biri – Alihan Gasanov. Onyń anasynyń aitýynsha, ár azamat úshin Otan aldyndaǵy boryshty óteý – mańyzdy mindet.
“Kez kelgen eldiń táýelsizdigi men egemendigin qorǵaityn – memleket áskeri. Áskerdiń arqasynda el shekarasy tynysh. Búgin men úshin erekshe kún, jalǵyz ulymdy áskerge attandyryp otyrmyn. Bul – men úshin úlken sheshim,” – dep bólisti ata-analar atynan sóz alǵan Májilis depýtaty Natalia Dementeva.
