اقتاۋدا كٷزگٸ شاقىرىلىم بويىنشا ەسكەرگە اتتاناتىن ساربازداردى شىعارىپ سالۋ رەسٸمٸ ٶتتٸ, دەپ حابارلايدى Dalanews.kz Otpannews.kz-كە سٸلتەمە جاساپ.
سالتاناتتى شارادا 25 جاس ساربازدى تۋعان-تۋىستارى قيماستىقپەن شىعارىپ سالدى. سونىمەن قاتار, قالا ەكٸمٸ ەبٸلقايىر بايپاقوۆ پەن مەجٸلٸس دەپۋتاتى ناتاليا دەمەنتەۆا ٶز تٸلەكتەرٸن بٸلدٸرٸپ, ساربازدارعا سەت-ساپار تٸلەدٸ.
“وتان الدىنداعى بورىشتى ٶتەۋ – ەر ازاماتتىڭ قاسيەتتٸ مٸندەتٸ. ەسكەرگە الىنعان ساربازدارعا اق جول تٸلەيمٸز. اتا-اناڭىزدىڭ ٷمٸتٸن اقتاپ, ەلگە امان-ەسەن ورالۋىڭىزدى تٸلەيمٸز,” – دەدٸ ەبٸلقايىر بايپاقوۆ.
اقتاۋدان ەسكەرگە شاقىرىلعانداردىڭ بٸرٸ – اليحان گاسانوۆ. ونىڭ اناسىنىڭ ايتۋىنشا, ەر ازامات ٷشٸن وتان الدىنداعى بورىشتى ٶتەۋ – ماڭىزدى مٸندەت.
“كەز كەلگەن ەلدٸڭ تەۋەلسٸزدٸگٸ مەن ەگەمەندٸگٸن قورعايتىن – مەملەكەت ەسكەرٸ. ەسكەردٸڭ ارقاسىندا ەل شەكاراسى تىنىش. بٷگٸن مەن ٷشٸن ەرەكشە كٷن, جالعىز ۇلىمدى ەسكەرگە اتتاندىرىپ وتىرمىن. بۇل – مەن ٷشٸن ٷلكەن شەشٸم,” – دەپ بٶلٸستٸ اتا-انالار اتىنان سٶز العان مەجٸلٸس دەپۋتاتى ناتاليا دەمەنتەۆا.
