Májilis 2025-2027 jyldarǵa arnalǵan respýblikalyq biýdjetin qabyldady. Ol qaraý úshin Senatqa joldandy, dep habarlaidy Dalanews.kz.
Ol Memleket basshysynyń tapsyrmalary,elimizdiń áleýmettik-ekonomikalyq damý boljamy jáne 2025-2027 jyldarǵy biýdjet ólshemderi negizinde ázirlengen Biýdjet kodeksine súiene otyryp jasaqtaldy.
"2025-2027 jyldarǵa arnalǵan respýblikalyq biýdjet jobasyn ázirleý kezinde álemdik ekonomikanyń turaqty qalypty ósý qarqynyn, infliatsiiaǵa yqpal etýshi táýekelderdiń tómendeýin, qarjy jáne taýar naryqtaryndaǵy turaqtylyqty boljaityn bazalyq stsenarii negizge alyndy. Aldaǵy orta merzimdi kezeńdegi JIÓ-niń ortasha jyldyq ósý qarqyny 5,4%-dy quraidy. Nominaldy JIÓ 2025 jyly 150,8 trillion teńgeden 2029 jyly 234,2 trillion teńgege deiin ósedi dep boljanady.Bazalyq stsenariide munai baǵasynyń bir barreli 75 dollar deńgeiinde belgilengen. Jyldyq infliatsiianyń maqsatty aýytqý dálizi 2025 jyly 5,5-7,5 paiyz, 2026 jyly 5-6 paiyz aralyǵynda qalyptasatyny, al 2027-2029 jyldary ol 5 paiyzǵa deiin tómendeitini kórsetilgen", — dedi depýtat Erkin Ábil.
Kiris 2025 jyly – 15,6 trln teńge, 2026 jyly – 16,7 trln teńge, 2027 jyly – 18,2 trln teńge bolady dep boljanyp jatyr. Shyǵyndar sáikesinshe 25,8 trln, 23,2 trln jáne 24,6 trln teńge bolmaq. Bul rette Ulttyq qordan kepildendirilgen transfertterdiń kólemi jylyna 2 trillion teńgeni quraidy.
"Qazaqstan Respýblikasynyń Ulttyq qorynan 2025-2027 jyldarǵa arnalǵan kepildendirilgen transfertterdiń kólemi jyl saiyn 2 trln teńgeni quraidy. 2025 jyly Qazaqstan Respýblikasynyń Ulttyq qorynan 3,2 trln teńge kóleminde nysanaly transfert tartý josparlanýda", — deidi depýtat.
Biýdjet jobasy memlekettiń barlyq áleýmettik mindettemesiniń oryndalýyn, sonyń ishinde memlekettik qyzmetshilerdiń jalaqysyn, zeinetaqy men stipendiiany kezeń-kezeńimen arttyrýdy qamtamasyz etedi.
"Respýblikalyq biýdjet shyǵystarynyń jalpy kólemi 2025 jyly – 25,7 trillion teńge, 2026 jyly – 23,1 trillion teńge, 2027 jyly – 24,5 trillion teńge deńgeiinde bolady dep josparlanyp otyr. Shyǵystardyń jalpy somasy - 72,5 trillion teńge. 2025 jylǵa arnalǵan biýdjet tapshylyǵy 4,1 trillion teńgeni, 2026 jyly 3,7 trillion teńgeni, 2027 jyly 3,6 trillion teńgeni quraidy", — deidi Májilis depýtaty Erkin Ábil.
Májiliste zań jobasyn qaraý barysynda depýtattar óńirlerdi damytý máselelerin sheshý úshin biýdjet shyǵystaryn ulǵaitý boiynsha mynandai túzetýlerdi engizýdi usyndy:
- "Aýyl – El besigi" baǵdarlamasyn iske asyrýǵa - 15 mlrd teńge;
- sýmen jabdyqtaý jáne sý burý máselelerin sheshýge - 14,7 mlrd teńge;
- 25 mlrd teńgeden astamy basqa da infraqurylymdyq jobalarǵa suraldy.
Respýblikalyq biýdjet shyǵystarynyń 68 paiyzdan astamy Qazaqstan Respýblikasynyń 2029 jylǵa deiingi Ulttyq damý josparynda, ulttyq jobalarda, tujyrymdamalarda, damý josparlarynda jáne basqa da qujattarda belgilengen strategiialyq maqsattary men nysanaly indikatorlaryn iske asyrýǵa baǵyttalǵan.
Zań jobalary jónindegi jumys toptarynyń jetekshisi Erkin Ábil óziniń qosymsha baiandamasynda biýdjet jobasynda, tutastai alǵanda, ekonomikanyń turaqty ósimi (orta eseppen jylyna 5,4%-ǵa) boljanyp otyrǵanyn atap ótti. Onyń ishinde, óńdeý ónerkásibi (5,8%), qurylys (9,3%), aqparat jáne bailanys (9,5%) ósý qarqyny bar jekelegen salalar da bar.
