Qazaq poezisyna óziniń marjan jyrlarymen ólsheýsiz olja salǵan uly aqyn Maǵjandy oqý, taný, bilý, nasihattaý – jas urpaq aldyndaǵy barshamyzdyń paryzymyz. Maǵjan óleńderine jańa zaman kózimen qaraý arqyly biz rýhani jańǵyramyz, rýhani túleimiz
Is-sharaǵa «Qainar» ýniversitetiniń professory, filologiia ǵylymdarynyń kandidaty, maǵjantanýshy Bakytkamal Qanarbaeva, filosof-kósemsózshi, ónertanýshy Ábdirashit Bákiruly, №137 M.Jumabaev atyndaǵy mekteptiń muǵalimderi men oqýshylary, mekteptegi M. Jumabaev mýzeiiniń jetekshisi Sveta Arynova qatysty.
Áserli keshti júrgizgen S.Muqanov pen Ǵ.Músirepovtiń ádebi-memorialdyq mýzei kesheniniń jetekshisi Ádilǵazy Qaiyrbekov Maǵjanǵa eliktep aqyn bolǵanyn aitty.
– Maǵjan óleńderi ulttyq rýhqa, otansúigishtik sezimge toly, alaida qansha ýaqyt boiy aqyn shyǵarmashylyǵyn synǵa alýshylar kóp boldy. Aqyn ómirin zerttegen 20 jylǵa jýyq ýaqyt ishinde qanshama qiyndyqtar boldy. Soǵan qaramastan óz qarajatyma aqyn týraly 3 zertteý eńbegimdi jaryqqa shyǵardym, – dedi maǵjantanýshy Bakytkamal Qanarbaeva.
Ábdirashit Bákiruly túrik aǵaiyndarda keńestik kezeń bolmaǵandyqtan olar aqyn shyǵarmalarynyń syryn tereń uǵyp, mektep baǵdarlamasynla aqyn óleńderimen tanysýǵa múmkindik bolmaǵanyn alǵa tartty. Sondyqtan qazirgi tańda aqyn óleńderin mektepte oqytý ózekti másele, rýhani jańǵyrý, rýhani baiý ekenin atap ótti.
Budan keiin №137 M.Jumabaev atyndaǵy mekteptiń oqýshylary Janel Durysquldinova men Maǵjan Jumabaev aqyn óleńderin oqydy.
Atalǵan mekteptegi M. Jumabaev mýzeiiniń jetekshisi Sveta Qanatbekqyzy shara uiymdastyrýshylaryna alǵys bildirip, almatylyqtardy mýzeige shaqyrdy. Almaty mýzeiinde de Alash qairatkeriniń murasy saqtalsyn degen tilekpen aqynnyń shyǵarmalar jinaǵyn syiǵa tartty.
Sondai-aq, qorytyndy sóz alǵan Almaty mýzeiiniń jetekshisi Baqbergen Jaqsylyquly M. Jumabaevtyń 125 jyldyǵy meretoiy qutty bolsy dei kele, jastardy «Men jastarǵa senemin!» dep artynda óshpes ósiet qaldyrǵan aqyn óleńderin oqýǵa, mýzeige, teatrǵa barýǵa shaqyrdy. Sebebi erteńgi eldiń bolashaǵy bilimdi, mádenietti jastardyń qolynda dep atap ótti.
https://dalanews.kz/12107
