Aita ketelik, buǵan deiin "Adyrna" portalyna Jaqiianovtyń saiasat pen biznestegi senimdi serigi Tólen Toqtasynov suhbat berip, saiasatker qatysty birqatar daýly málimetpen bólisken.
Jaqiianov óz kezeginde suhbattaǵy derekter oidan quralǵanyn aityp, ózine negizsiz aiyp taǵyldy dep esepteidi.
"Kóptegen jyldar boiy Tólen meniń dosym bolýmen qatar, men saiasi repressiiaǵa ushyrap, bas bostandyǵymnan airylǵanda maǵan orasan zor kómek kórsetken seriktesim boldy.
Degenmen, dál qazirgi jaǵdaida men óz bedelimdi sol erteden kele jatqan dosymnan qorǵaýǵa májbúrmin.
Eń aldymen, Almaty qalasy Medeý aýdandyq sotynda Toqtasynovqa qarsy kreditorlar qozǵaǵan azamattyq iste men talapker de, jaýapker de emes ekenimdi basa aitqym keledi. Men bul protseste bas quqyǵy jáne jeke múddesi zardap shekken úshinshi tulǵamyn", – deidi ol.
Saiasatkerdiń aitýynsha, aradaǵy arazdyqqa aqsha sebep bolǵan. Qaryzǵa batqan Toqtasynov moinyndaǵy mindetti kompaniiaǵa aýdarǵysy kelgen.
"2007 jyldardan bastap, Toqtasynov bizdiń ortaq tanystarymyzdan birneshe ret qomaqty mólsherde qaryzǵa aqsha alǵan, al munyń bári maǵan biraz ýaqyttan soń ǵana belgili boldy.
Ýaqytynda qaitarmaǵannan nemese qaitarǵysy kelmegennen be, ol barlyq jaýapkershilikti aktsionerler kelisimin almastan, ALGT ltd kompaniiasyna aýdarǵysy keldi.
2019 jyly qarjylyq mindetteme ainalasyndaǵy kikiljińnen keiin Toqtasynovtyń jobadan shyǵýy jaily másele qozǵaldy. Kompaniianyń ishki mán-jaiy men qaryzdary týraly berilgen málimet rastalǵan jaǵdaida, ol alatyn soma aldyn ala anyqtaldy. Sol somanyń shamamen úshten birin ýaqytynda aldy.
Biraq, kelesi tólemder toqtatyldy. Sebebi, aldymen ishki, keiin syrtqy táýelsiz aýdit jasap tekserý barysynda (2022 jyldyń birinshi jartysynda jasaldy) Toqtasynov eleýli qarjylyq bylyqtar men alaiaqtyq jasaǵany anyqtaldy", – deidi saiasatker.
Jaqiianovtyń atap ótkenindei Toqtasynov "óziniń qarjylyq manipýliatsiiasyna eshqandai túsinikteme bermegen".
"Meniń de, oǵan aqsha bergenderdiń de máseleni ózara beibit jolmen sheshýge tyrysqan áreketimizden túk shyqpady. Tipti, qaryzdy qaitara alatyn múmkindigi bola turyp, qaitarýdan bas tartty.
Týyndaǵan suraqtarǵa jaýap berýdiń ornyna, Toqtasynov maǵan shantaj jasap, qorqyta bastady. Menen aqsha almaǵan jaǵdaida, buqaralyq aqparat quraldary arqyly meniń qoǵamdyq bedelime nuqsan keltiretinin aýyzsha da, jazbasha da aita bastady.
Maǵan qarsy arandatýda qazaqstandyq biliktiń qoldaýyna ie bolǵanyn da jetkizdi, biraq men onyń bopsalaýyn úzildi-kesildi qabyldamadym. Bas tarttym", – deidi Jaqiianov.
Saiasatkerdiń atap kórsetkenindei osynyń nátijesinde Toqtasynov Jaqiianovqa qarsy Mońǵoliianyń saqshy oryndaryna aryz bergen. Alaida, qylmys quramy joq bolǵandyqtan is ashylmaǵan. Kerisinshe, Toqtasynovtyń ózine qarsy qylmystyq is qozǵalǵan.
"Barlyq jaǵdai men qujattardy teksergennen keiin, kerisinshe, Mońǵoliianyń tergeý komiteti men prokýratýrasy ALGT ltd burynǵy atqarýshy direktor retinde Toqtasynovtyń ózin alaiaqtyq pen qujattardy qoldan jasaǵany úshin jaýapqa tartýǵa sheshim qabyldady.
Ózi tapsyrǵan aqparat jáne meniń ótinishim negizinde Mońǵoliia qylmystyq kodeksiniń 17.3-babyna sáikes oǵan ózine qarsy qylmystyq is qozǵaldy.
Tergeýshige bergen ýádesine qaramastan jáne zańdy buza otyryp, Toqtasynov 2022 jylǵy 10 qazanda Mońǵoliiadan ketip qaldy, qazirgi ýaqytta oǵan halyqaralyq izdeý jariialanǵan.
Joǵaryda berilgen málimet pen barlyq jaǵdai Medeý aýdandyq sotyna naqty qujatpen usynylǵan.
Qorytyndylai kele mynany aitqym keledi.
Tólen Toqtasynov óziniń jeke basyndaǵy qaryzdary men qarjylyq boryshtarynan shatasyp, jaýapkershiligin moiyndaǵysy kelmei, meni aýyr qylmys jasady dep aiyptap, maǵan ashyq jala jabýǵa kiristi. Mundai jalasyna kónetin nietim joq.
Maǵan qarsy uiymdastyrylyp jatqan arandatýlarda Toqtasynovtyń basty róldi oinaýy óz sheshimi me, álde bireýlerdiń aidap salýy ma, ázirshe anyq aita almaimyn. Barlyǵy jaqyn arada áshkerlenedi dep oilaimyn jáne soǵan senemin. Sondai-aq, bizdiń iskerlik jáne jeke qarym-qatynasymyzdyń qoǵamdyq talqylaýdyń taqyrybyna ainalǵanyna ókinish bildiremin", – deidi Jaqiianov.
