Tanymal qazaqstandyq trevel-bloger Dastan Muhamedrahym Madridte álemge áigili fýtbol jattyqtyrýshysy Joze Moýriniýmen kezdesip, oǵan qazaqtyń ulttyq ziiatkerlik oiyny – toǵyzqumalaqty syiǵa tartty, dep habarlaidy dalanews.kz.
Bloger erekshe kezdesý týraly Instagram-paraqshasynda jariialady. Onyń aitýynsha, bul sapar Qazaqstannyń mádenieti men jetistikterin halyqaralyq aýditoriiaǵa tanystyrý maqsatynda júzege asqan.
Kezdesý barysynda Dastan Muhamedrahym áigili fýtbol jattyqtyrýshysymen erkin áńgimelesip, Qazaqstan týraly aityp bergen. Sondai-aq oǵan qazaq halqynyń ulttyq ziiatkerlik oiyny – toǵyzqumalaqty syilaǵan.
«Jaqynda ǵana sizderge Qazaqstannyń kópshilik bile bermeitin maqtan tutar jetistikterin kórsetip júrgen edim. Al búgin, mine, aty ańyzǵa ainalǵan Joze Moýriniýdiń ózine Qazaqstan týraly aityp turmyn! Men úshin bul – erekshe ári umytylmas sát!» – dep jazdy bloger.
Dastan Muhamedrahymnyń aitýynsha, ol Moýriniýmen jai ǵana sýretke túsip qoimai, erkin sóilesip, ózin qyzyqtyrǵan suraqtaryn qoiýǵa múmkindik alǵan.
Aita keteiik, toǵyzqumalaq – qazaq halqynyń dástúrli ziiatkerlik oiyndarynyń biri. Logikalyq oilaý men strategiialyq sheshim qabyldaýǵa negizdelgen bul oiyn 2020 jyly IýNESKO-nyń Adamzattyń materialdyq emes mádeni murasynyń reprezentativtik tizimine engizilgen.
Osylaisha, qazaqstandyq blogerdiń áigili fýtbol jattyqtyrýshysymen kezdesýi ulttyq oiyndy halyqaralyq deńgeide tanystyrýǵa múmkindik berdi.
