تانىمال قازاقستاندىق ترەۆەل-بلوگەر داستان مۇحامەدراحىم مادريدتە ەلەمگە ەيگٸلٸ فۋتبول جاتتىقتىرۋشىسى جوزە موۋرينيۋمەن كەزدەسٸپ, وعان قازاقتىڭ ۇلتتىق زيياتكەرلٸك ويىنى – توعىزقۇمالاقتى سىيعا تارتتى, دەپ حابارلايدى dalanews.kz.
بلوگەر ەرەكشە كەزدەسۋ تۋرالى Instagram-پاراقشاسىندا جارييالادى. ونىڭ ايتۋىنشا, بۇل ساپار قازاقستاننىڭ مەدەنيەتٸ مەن جەتٸستٸكتەرٸن حالىقارالىق اۋديتوريياعا تانىستىرۋ ماقساتىندا جٷزەگە اسقان.
كەزدەسۋ بارىسىندا داستان مۇحامەدراحىم ەيگٸلٸ فۋتبول جاتتىقتىرۋشىسىمەن ەركٸن ەڭگٸمەلەسٸپ, قازاقستان تۋرالى ايتىپ بەرگەن. سونداي-اق وعان قازاق حالقىنىڭ ۇلتتىق زيياتكەرلٸك ويىنى – توعىزقۇمالاقتى سىيلاعان.
«جاقىندا عانا سٸزدەرگە قازاقستاننىڭ كٶپشٸلٸك بٸلە بەرمەيتٸن ماقتان تۇتار جەتٸستٸكتەرٸن كٶرسەتٸپ جٷرگەن ەدٸم. ال بٷگٸن, مٸنە, اتى اڭىزعا اينالعان جوزە موۋرينيۋدٸڭ ٶزٸنە قازاقستان تۋرالى ايتىپ تۇرمىن! مەن ٷشٸن بۇل – ەرەكشە ەرٸ ۇمىتىلماس سەت!» – دەپ جازدى بلوگەر.
داستان مۇحامەدراحىمنىڭ ايتۋىنشا, ول موۋرينيۋمەن جاي عانا سۋرەتكە تٷسٸپ قويماي, ەركٸن سٶيلەسٸپ, ٶزٸن قىزىقتىرعان سۇراقتارىن قويۋعا مٷمكٸندٸك العان.
ايتا كەتەيٸك, توعىزقۇمالاق – قازاق حالقىنىڭ دەستٷرلٸ زيياتكەرلٸك ويىندارىنىڭ بٸرٸ. لوگيكالىق ويلاۋ مەن ستراتەگييالىق شەشٸم قابىلداۋعا نەگٸزدەلگەن بۇل ويىن 2020 جىلى يۋنەسكو-نىڭ ادامزاتتىڭ ماتەريالدىق ەمەس مەدەني مۇراسىنىڭ رەپرەزەنتاتيۆتٸك تٸزٸمٸنە ەنگٸزٸلگەن.
وسىلايشا, قازاقستاندىق بلوگەردٸڭ ەيگٸلٸ فۋتبول جاتتىقتىرۋشىسىمەن كەزدەسۋٸ ۇلتتىق ويىندى حالىقارالىق دەڭگەيدە تانىستىرۋعا مٷمكٸندٸك بەردٸ.
