QR Qarjy naryǵyn retteý jáne damytý agenttigi eki mikro qarjylyq uiymnyń litsenziialarynyń kúshin ýaqytsha joidy. Endi Bravo Microfinance jáne CashCapital kompaniialaryna mikrokredit berýge tyiym salynady, dep habarlaidy Dalanews.kz.
Qarjy naryǵyn retteý jáne damytý agenttigi Bravo Microfinance men CashCapital mikroqarjy uiymdarynyń mikroqarjylyq qyzmetti júzege asyrýǵa arnalǵan litsenziialarynyń qoldanys ýaqytyn úsh aiǵa toqtatty.
"Litsenziianyń qoldanylýyn toqtata turýǵa JShS-lardyń prýdentsialdyq normativterdi, ózge de mindetti normalar men limitterdi buzý jáne ýákiletti organnyń jazbasha nusqamasyn oryndamaý negiz boldy. Qos mikroqarjy uiymynyń mikrokredit berý týraly jańa sharttar jasasýyna, onyń ishinde mikrokredit berý týraly qoldanystaǵy sharttardyń qoldanylý merzimin uzartýyna jáne olardy mikroqarjy uiymynyń mindettemeleri men jaýapkershiligin, sondai-aq qaryz alýshynyń mindettemeleri men jaýapkershiligin ulǵaitýdy kózdeitindei etip ózgertýine tyiym salynady. Degenmen atalǵan mikroqarjy uiymdary mikrokredit berý týraly buryn jasalǵan sharttar boiynsha ózine qabyldaǵan mindettemelerdi oryndaýǵa mindetti", delingen vedomstvo habarlamasynda.
Mikrokredit berý týraly sharttar boiynsha oryndalmaǵan mindettemeleri bar MQU klientteri arada jasalǵan sharttardyń talaptaryna sáikes MQU aldyndaǵy mindettemelerdiń oryndalmaǵany úshin jaýapty bolady.
