Bul týraly kaz.365info.kz habarlady.
Osy eldegi birqatar oppozitsiialyq saittardyń habarlaýynsha Lýkashenkonyń elden ketýine «aramtamaqtarǵa» arnalǵan zań jáne osy zańǵa narazylyq tanytqan tolqýlar sebep bolǵan. Zańǵa sai sońǵy alty ai boiy jumyssyz azamattar memleketke 200 dollar salyq tóleýi tiis.
Halyqtyń buǵan óz jaýaby bar. «Elde jumys joq. Soraqysy, úide bala baǵyp otyrǵan áielderderge deiin salyq tóleýi kerek. Áleýmettik jaǵynan qorǵalmaǵan budan basqa da toptar kóp» deidi jurt.
Lýkashenko óz kezeginde jumyssyz júrgenderdi «aramtamaq» dep atap, eldegi eki qolǵa bir kúrek tappai júrgen 400 myń adamǵa salyq tóletpek.
Osyǵan bailanysty tolqýlar 17 aqpanda bastalǵan. Salyq tólemegen jaǵdaida onyń ústeme paiyzy óse beredi. Belarýs astanasy men qatar basqa da qalalarda atalǵan zańǵa narazylyq tanytqan jurt óz pikirin bildirýde. Resmi derekke qaraǵanda, osy kúnge deiin 40 myń «boryshker» salyq tólepti. Al bul jalpy «boryshkerlerdiń» 10 paiyzy ǵana. Resmi bilikti jaqtaityn sarapshylar Lýkashenkonyń Sochige Pýtinmen kezdesý úshin ketkenin aitqan. Alaida kúni keshe bul aqparatty Pýtinniń baspasóz hatshys Peskov joqqa shyǵardy.
Sonda qalai Lýkashenko Sochide ne joǵaltty? Bul onyń «tótenshe jaǵdai» kezinde panalaityn mekeni bolyp júrmesin?..
