بۇل تۋرالى kaz.365info.kz حابارلادى.

وسى ەلدەگى ءبىرقاتار وپپوزيسيالىق سايتتاردىڭ حابارلاۋىنشا لۋكاشەنكونىڭ ەلدەن كەتۋىنە «ارامتاماقتارعا» ارنالعان زاڭ جانە وسى زاڭعا نارازىلىق تانىتقان تولقۋلار سەبەپ بولعان. زاڭعا ساي سوڭعى التى اي بويى جۇمىسسىز ازاماتتار مەملەكەتكە 200 دوللار سالىق تولەۋى ءتيىس.

حالىقتىڭ بۇعان ءوز جاۋابى بار. «ەلدە جۇمىس جوق. سوراقىسى، ۇيدە بالا باعىپ وتىرعان ايەلدەردەرگە دەيىن سالىق تولەۋى كەرەك. الەۋمەتتىك جاعىنان قورعالماعان بۇدان باسقا دا توپتار كوپ» دەيدى جۇرت.

لۋكاشەنكو ءوز كەزەگىندە جۇمىسسىز جۇرگەندەردى «ارامتاماق» دەپ اتاپ، ەلدەگى ەكى قولعا ءبىر كۇرەك تاپپاي جۇرگەن 400 مىڭ ادامعا سالىق تولەتپەك.

وسىعان بايلانىستى تولقۋلار 17 اقپاندا باستالعان. سالىق تولەمەگەن جاعدايدا ونىڭ ۇستەمە پايىزى وسە بەرەدى. بەلارۋس استاناسى مەن قاتار باسقا دا قالالاردا اتالعان زاڭعا نارازىلىق تانىتقان جۇرت ءوز پىكىرىن بىلدىرۋدە. رەسمي دەرەككە قاراعاندا، وسى كۇنگە دەيىن 40 مىڭ «بورىشكەر» سالىق تولەپتى. ال بۇل جالپى «بورىشكەرلەردىڭ» 10 پايىزى عانا. رەسمي بيلىكتى جاقتايتىن ساراپشىلار لۋكاشەنكونىڭ سوچيگە پۋتينمەن كەزدەسۋ ءۇشىن كەتكەنىن ايتقان. الايدا كۇنى كەشە بۇل اقپاراتتى ءپۋتيننىڭ باسپا ءسوز حاتشىس پەسكوۆ جوققا شىعاردى.

سوندا قالاي لۋكاشەنكو سوچيدە نە جوعالتتى؟ بۇل ونىڭ «توتەنشە جاعداي» كەزىندە پانالايتىن مەكەنى بولىپ جۇرمەسىن؟..