«Shyǵys Qazaqstan oblysy, Altaidaǵy Lenin eskertkishin qalpyna keltirýge qarsymyz. Lenin ómir boiy kez kelgen máseleni sheshý úshin zorlyq-zombylyqtyń printsipti jaqtaýshysy boldy. Ol KSRO-ny qarapaiym halyqtyń súiegi men qanymen qurady. Onyń ishinde qazaq halqy da japa shekkenin bilemiz. Bul rette ashtyqty, qýǵyn-súrgin men qyrǵyn soǵysty, jer aýdarý, Semei poligonyndaǵy iadrolyq synaqtar, tartylyp qalǵan Aral teńizin atasaq jetip jatyr» dep jazylǵan Alash.Online saitynda jariialanǵan petitsiiada.
Petitsiiany uiymdastyrýshylar Qazaqstannyń táýelsiz el, ózindik tarihy bar ekenin aita kele, Qazaq memleketin qurýǵa ólsheýsiz úles qosqan eskertkish ortýǵa laiyqty tulǵalary bar ekenin alǵa tartty.
Esterińizge sala keteiik, Lenin eskertkishi 15 tamyzda Altai qalasynyń ortalyq alańdaǵy jóndeý jumystary kezinde abaisyzda qulap ketken bolatyn. Merdigerdiń kompaniia jumys barysynda «eskertkish ózdiginen qulaǵan» habarlaǵan-dy.
Osy kezde áleýmettik jelide kýágerlerdiń beinejazbasy paida bolyp, onda júk kótergish tehnikanyń aibaisyzda músinge qalai tiip ketkeni kórsetilgen-di. Atalǵan fakti boiynsha QR Qylmystyq kodeksiniń 203-babynyń 1-bóligi (erekshe qundy zattardy qasaqana joiý, alý nemese búldirý) boiynsha qylmystyq is qozǵalǵanyn da bilemiz.
Endi halyq Leninniń eskertkishin qalpyna keltirýge qarsy qol jinap jatyr.
