«شىعىس قازاقستان وبلىسى، التايداعى لەنين ەسكەرتكىشىن قالپىنا كەلتىرۋگە قارسىمىز. لەنين ءومىر بويى كەز كەلگەن ماسەلەنى شەشۋ ءۇشىن زورلىق-زومبىلىقتىڭ ءپرينسيپتى جاقتاۋشىسى بولدى. ول كسرو-نى قاراپايىم حالىقتىڭ سۇيەگى مەن قانىمەن قۇرادى. ونىڭ ىشىندە قازاق حالقى دا جاپا شەككەنىن بىلەمىز. بۇل رەتتە اشتىقتى، قۋعىن-سۇرگىن مەن قىرعىن سوعىستى، جەر اۋدارۋ، سەمەي پوليگونىنداعى يادرولىق سىناقتار، تارتىلىپ قالعان ارال تەڭىزىن اتاساق جەتىپ جاتىر» دەپ جازىلعان Alash.Online سايتىندا جاريالانعان پەتيسيادا.
پەتيسيانى ۇيىمداستىرۋشىلار قازاقستاننىڭ تاۋەلسىز ەل، وزىندىك تاريحى بار ەكەنىن ايتا كەلە، قازاق مەملەكەتىن قۇرۋعا ولشەۋسىز ۇلەس قوسقان ەسكەرتكىش ورتۋعا لايىقتى تۇلعالارى بار ەكەنىن العا تارتتى.
ەستەرىڭىزگە سالا كەتەيىك، لەنين ەسكەرتكىشى 15 تامىزدا التاي قالاسىنىڭ ورتالىق الاڭداعى جوندەۋ جۇمىستارى كەزىندە ابايسىزدا قۇلاپ كەتكەن بولاتىن. مەردىگەردىڭ كومپانيا جۇمىس بارىسىندا «ەسكەرتكىش وزدىگىنەن قۇلاعان» حابارلاعان-دى.
وسى كەزدە الەۋمەتتىك جەلىدە كۋاگەرلەردىڭ بەينەجازباسى پايدا بولىپ، وندا جۇك كوتەرگىش تەحنيكانىڭ ايبايسىزدا مۇسىنگە قالاي ءتيىپ كەتكەنى كورسەتىلگەن-دى. اتالعان فاكتى بويىنشا ق ر قىلمىستىق كودەكسىنىڭ 203-بابىنىڭ 1-بولىگى (ەرەكشە قۇندى زاتتاردى قاساقانا جويۋ، الۋ نەمەسە ءبۇلدىرۋ) بويىنشا قىلمىستىق ءىس قوزعالعانىن دا بىلەمىز.
ەندى حالىق لەنيننىڭ ەسكەرتكىشىن قالپىنا كەلتىرۋگە قارسى قول جيناپ جاتىر.
