Balalar lageriniń ystyq tamaǵyna bólingen aqshany ońdy-soldy shashqan sheneýnikter sot úkimimen 7 jyldan 10 jylǵa deıin bas bostandyqtarynan aıyryldy.
Alty eks-sheneýniktiń qylmysy aýdandyq bilim bólimin quzyrly organdardyń tekserýi kezinde anyqtalǵan.
Qujatta jaýaptylar jymqyrylǵan 335 mıllıon teńge ótken jyly balalardyń demalys lagerinde tynyǵýlaryna jáne ystyq tamaqqa jumsaldy dep esep bergen. Biraq, 2020 jyly pandemıaǵa baılanysty demalys lagerleriniń jumys istemegeni belgili bolǵan.
Osylaısha ońaı oljaly bolam degen shıelilik sheneýnikter jáne olardyń sybaılastaryna sot zalynan kisen salyndy. Olarǵa bas bostandyqtarynan aıyrý jáne múlikterin tárkileý jazasy berildi.
“2020 jylǵy Toıota avtokóligi, Leksýs 460 avtokóligi, leksýs 350 zattary alynǵany belgili boldy. Sonymen qosa oǵan kúndelikti ózderine qajetti jıhazdar, kıimder satyp alǵan”, – deıdi sybaılas jemqorlyqqa qarsy is-qımyl departamentiniń tergeýshisi Aımurat Abaev.
https://www.youtube.com/watch?v=AaMVRjU3QgM
