بالالار لاگەرىنىڭ ىستىق تاماعىنا بولىنگەن اقشانى وڭدى-سولدى شاشقان شەنەۋنىكتەر سوت ۇكىمىمەن 7 جىلدان 10 جىلعا دەيىن باس بوستاندىقتارىنان ايىرىلدى.
التى ەكس-شەنەۋنىكتىڭ قىلمىسى اۋداندىق ءبىلىم ءبولىمىن قۇزىرلى ورگانداردىڭ تەكسەرۋى كەزىندە انىقتالعان.
قۇجاتتا جاۋاپتىلار جىمقىرىلعان 335 ميلليون تەڭگە وتكەن جىلى بالالاردىڭ دەمالىس لاگەرىندە تىنىعۋلارىنا جانە ىستىق تاماققا جۇمسالدى دەپ ەسەپ بەرگەن. ءبىراق، 2020 جىلى پاندەمياعا بايلانىستى دەمالىس لاگەرلەرىنىڭ جۇمىس ىستەمەگەنى بەلگىلى بولعان.
وسىلايشا وڭاي ولجالى بولام دەگەن شيەلىلىك شەنەۋنىكتەر جانە ولاردىڭ سىبايلاستارىنا سوت زالىنان كىسەن سالىندى. ولارعا باس بوستاندىقتارىنان ايىرۋ جانە مۇلىكتەرىن تاركىلەۋ جازاسى بەرىلدى.
“2020 جىلعى تويوتا اۆتوكولىگى، لەكسۋس 460 اۆتوكولىگى، لەكسۋس 350 زاتتارى الىنعانى بەلگىلى بولدى. سونىمەن قوسا وعان كۇندەلىكتى وزدەرىنە قاجەتتى جيحازدار، كيىمدەر ساتىپ العان”، – دەيدى سىبايلاس جەمقورلىققا قارسى ءىس-قيمىل دەپارتامەنتىنىڭ تەرگەۋشىسى ايمۇرات ابايەۆ.
https://www.youtube.com/watch؟v=AaMVRjU3QgM
