Onda «Atqa miný mádenieti», «Uly daladaǵy ejelgi metallýrgiia», «Ań stili», «Altyn adam», «Túrki áleminiń besigi, «Uly jibek joly», «Qazaqstan – alma men qyzǵaldaqtyń otany» atty taqyryptarmen tarqatady.
Bul maqala Elbasynyń «Rýhani jańǵyrý» ult josparynyń dástúrli jalǵasy ispetti. Óitkeni Memleket basshysy maqala aiasynda "Qazaqstan – kúlli túrki halyqtarynyń qasietti «Qara shańyraǵy». Búgingi qazaqtyń saiyn dalasynan álemniń ár túkpirine taraǵan túrki tektes taipalar men halyqtar basqa elder men óńirlerdiń tarihi úderisterine eleýli úles qosty. Sonymen qatar jańa oblys ortalyǵy retinde Túrkistandy damytý barysynda onyń halyqaralyq arenadaǵy bedelin júieli túrde arttyrý qajet. Qazaqstannyń ejelgi astanasy halqymyzdyń rýhani ortalyǵy ǵana emes, sondai-aq, búkil túrki álemi úshin kieli oryn bolyp sanalady» deidi.
Osyǵan orai Túrkistan oblysynyń Óńirlik kommýnikatsiialyq qyzmetinde ótken baspasóz máslihatynda Q.A.Iasaýi atyndaǵy HQTÝ-i dotsenti Lázzat Dinasheva Túrkistannyń tek qazaq halqy emes, kúlli túrkiniń túp qazyǵy ekendigine toqtaldy.
«Turan, Iassy, Túrkistan. Bul uǵymdar qashanda kúlli túrki halyqtary úshin ulyq bolyp kelgen. Qazaq jurty úshin tipti erekshe. Ulttyń taǵdyryna qatysty sheshimder osy qalada qabyldanyp, tórtkúl dalamyzǵa tarqady. Búginde qazaqtyń tarihi qairatkerleri máńgilik meken tapqan qasietti oryn. Ótken jyly «Túrkistan – túrki áleminiń mádeni astanasy» atanyp, óńirde 40-tan asa mádeni sharalar ótti. Túrki halyqtary bas qosqan birneshe forým, ǵylymi jiyndar ótti.
Máselen, kúni keshe ǵana Túrkistan qalasynda «Kieli Túrkistan jáne Túrki dúniesiniń rýhani jańǵyrýy» atty ǵylymi-teoriialyq konferentsiia ótip, Túrkistanda halyqaralyq túrki akademiiasynyń ǵylymi ortalyǵy ashylatyn boldy», - dedi Lázzat Sársenbekqyzy.
