Belgili jýrnalist Ted Tiorner ómirden ótti. Bul týraly onyń otbasy men NBC News basylymy habarlady, dep jazady dalanews.kz.
Ted Tiorner álemdik media indýstriiasynda erekshe iz qaldyrǵan tulǵa retinde tanyldy. Ol táýlik boiy jańalyq taratatyn alǵashqy arna – CNN telearnasynyń negizin qalap, telejýrnalistika formatyn túbegeili ózgertti. Onyń bastamasynyń arqasynda jańalyqtardy tikelei efirde úzdiksiz taratý júiesi qalyptasyp, CNN álemdegi eń yqpaldy aqparat kózderiniń birine ainaldy.
Media salasynan bólek, Tiorner qaiyrymdylyq jáne ekologiia máselelerimen de belsendi ainalysty. Ol BUU Qoryn quryp, iadrolyq qarýdy qysqartý bastamalaryn qoldady. Sonymen qatar tabiǵatty qorǵaý jobalaryna qatysyp, AQSh-taǵy eń iri jer ielenýshilerdiń biri atandy. Sondai-aq amerikalyq preriialarǵa bizondardy qaita jersindirý baǵdarlamasyn qoldap, Captain Planet mýltserialyn jasaýǵa atsalysty.
1991 jyly Time jýrnaly Ted Tiornerdi álemdik aqparat keńistigine yqpaly úshin "Jyl adamy" dep tanyǵan.
Keiin ol Time Warner mediakompaniiasyn satyp, iri media mámilelerdiń birin júzege asyrdy. Ýaqyt óte kele biznesten alystaǵanymen, CNN arnasyn qurýdy ómirindegi eń basty jetistigi retinde baǵalap ótti.
CNN ókilderi Tiornerdi batyl sheshim qabyldaityn, táýekelden qoryqpaityn jáne álemdik jýrnalistikanyń baǵytyn ózgertken kóshbasshy retinde eske aldy.
