Láilá Sultanqyzy – «qazaq áieliniń etalony!» Názik jandylar bul teńeýdi telejúrgizýshige jii aitady. Isker, tabysty ári sulý bolǵany úshin mártebesin biik qoiady! Jurt osylai tóbesine kóterse de, erimniń aldynda bas iiýge qymsynbaimyn deidi Sultanqyzy.
“Men ony ózgertýge tyryspaimyn. Óitkeni, er azamatty eshqashan ózgerte almaisyń. Sen baǵyttaýyń múmkin, biraq ózgertemin degenniń bári qur áýreshilik dep oilaimyn”, – deidi Sultanqyzy.
Otbasy úshin kei ustanymdaryn qurban ete bilgen sylqymdar da, utylmaidy dep tujyrymdaidy telejúrgizishi.
“Dúisenbiden bastap, qaita sportty qolǵa alýym kerek pa, men ony qolǵa alýym kerek. Ól – tiril. Telefonnyń daýysy óship tura ma, onda men úidemin degen sóz. Eger, men ózime sondai shekteý qoimasam, meniń ómirim telefonnyń ishinde ótip ketýi múmkin”, – deidi kitap avtory.
«Meniń ekinshi kitabym!» degen atpen jaryq kórgen Láilá Sultanqyzynyń tyrnaqaldy týyndysy – 2016 jyldyń otandyq bestselleri atandy! Telejúrgizýshi «Áiel» atty eńbeginiń da tabysty bolarynan úmitti. Sebebi, qazaqtyń áieli úshin buryn-sońdy «tiym salynǵan» taqyryptardy qozǵaǵan.
“Milliondaǵan treningtar, seminarlar kim úshin ótkizilip jatyr?! Demek, aýditoriia bar degen sóz. Al, endi naq qazaq tildige keletin bolsaq, biz áli de kóp dúnieni aitýǵa ózimiz daiyn emespiz”, – deidi Láilá Sultanqyzy.
Láilá hanym, ózin úlgi tutatyn arýlardan tolassyz hat alady. Solardyń eń ózektilerin kitabyna arqaý etip, túrli mamandardyń keńesimen saýaldarǵa jaýap bergen. Sóitip, qazaq áieliniń zamanaýi qiyndyqtaryn sheshýge talpynypty.
Derekkózi: stan.kz
https://dalanews.kz/28513
