ءلايلا سۇلتان قىزى – «قازاق ايەلىنىڭ ەتالونى!» نازىك جاندىلار بۇل تەڭەۋدى تەلەجۇرگىزۋشىگە ءجيى ايتادى. ىسكەر، تابىستى ءارى سۇلۋ بولعانى ءۇشىن مارتەبەسىن بيىك قويادى! جۇرت وسىلاي توبەسىنە كوتەرسە دە، ەرىمنىڭ الدىندا باس يۋگە قىمسىنبايمىن دەيدى سۇلتان قىزى.
“مەن ونى وزگەرتۋگە تىرىسپايمىن. ويتكەنى، ەر ازاماتتى ەشقاشان وزگەرتە المايسىڭ. سەن باعىتتاۋىڭ مۇمكىن، ءبىراق وزگەرتەمىن دەگەننىڭ ءبارى قۇر اۋرەشىلىك دەپ ويلايمىن”، – دەيدى سۇلتان قىزى.
وتباسى ءۇشىن كەي ۇستانىمدارىن قۇربان ەتە بىلگەن سىلقىمدار دا، ۇتىلمايدى دەپ تۇجىرىمدايدى تەلەجۇرگىزىشى.
“دۇيسەنبىدەن باستاپ، قايتا سپورتتى قولعا الۋىم كەرەك پا، مەن ونى قولعا الۋىم كەرەك. ءول – ءتىرىل. تەلەفوننىڭ داۋىسى ءوشىپ تۇرا ما، وندا مەن ۇيدەمىن دەگەن ءسوز. ەگەر، مەن وزىمە سونداي شەكتەۋ قويماسام، مەنىڭ ءومىرىم تەلەفوننىڭ ىشىندە ءوتىپ كەتۋى مۇمكىن”، – دەيدى كىتاپ اۆتورى.
«مەنىڭ ەكىنشى كىتابىم!» دەگەن اتپەن جارىق كورگەن ءلايلا سۇلتان قىزىنىڭ تىرناقالدى تۋىندىسى – 2016 جىلدىڭ وتاندىق بەستسەللەرى اتاندى! تەلەجۇرگىزۋشى «ايەل» اتتى ەڭبەگىنىڭ دا تابىستى بولارىنان ءۇمىتتى. سەبەبى، قازاقتىڭ ايەلى ءۇشىن بۇرىن-سوڭدى «تيىم سالىنعان» تاقىرىپتاردى قوزعاعان.
“ميلليونداعان ترەنينگتار، سەمينارلار كىم ءۇشىن وتكىزىلىپ جاتىر؟! دەمەك، اۋديتوريا بار دەگەن ءسوز. ال، ەندى ناق قازاق تىلدىگە كەلەتىن بولساق، ءبىز ءالى دە كوپ دۇنيەنى ايتۋعا ءوزىمىز دايىن ەمەسپىز”، – دەيدى ءلايلا سۇلتان قىزى.
ءلايلا حانىم، ءوزىن ۇلگى تۇتاتىن ارۋلاردان تولاسسىز حات الادى. سولاردىڭ ەڭ وزەكتىلەرىن كىتابىنا ارقاۋ ەتىپ، ءتۇرلى مامانداردىڭ كەڭەسىمەن ساۋالدارعا جاۋاپ بەرگەن. ءسويتىپ، قازاق ايەلىنىڭ زاماناۋي قيىندىقتارىن شەشۋگە تالپىنىپتى.
دەرەككوزى: stan.kz
https://dalanews.kz/28513
