Aldaǵy ýaqytta «Balapan» arnasy Nickelodeon men TiJi-diń orynyn basý úshin kóp jumys isteýi kerek? Qazir «Balapandy» aýyldyń balalary ǵana qaraidy, al qalanyń balalary joǵaryda aitqan eki arnanyń turaqty «kórermeni» desek qatelespeimiz. Bizder aýyl men qaladaǵy bala bitkenniń bári «Balapannyń» kórermeni bolǵanyn qalaimyz. Árine, bul úshin sheteldik arnalarmen qalyspai, básekelesip jumys isteý kerek.
Bul rette «Balapan» arnasy qazaqy ómirge laiyq, zamanaýi mýltfilmder túsirýi kerek.
Menińshe, «Balapan» arnasynyń qazirgi basshylǵy mundai biik deńgeide jumys istei almaýda. «Balapan» arnasy degende onyń direktory Láilá Sultanqyzy esimizge túsedi. Al Láilá Sultanqyzy esimizge túskende ánshi-ártisterdi (bir ret qyztekeni taýyp, habar jasaǵanyn da eldiń esinde) jinap alyp, «Áiel baqytynda» áńgime soǵyp otyrǵan shoý-júrgizýshi eske túsedi. Qudy bir qys bolyp, turyp jadyrap jaz shyqqandai ári-sári kúige túsesiń. Osyndai bir-birine kereǵar kórinister árqaisymyzdyń oi-sanamyzda sharlap júrgeni jasyryn emes.
Láilá hanym «Áiel baqyty» baǵdarlamasy sátti shyǵýy úshin bar kúsh-jigerin jumysap, eńbekteninip júrgenin joqqa shyǵarmaimyz. Iá, qoǵamda suranys bolǵannan keiin mundai baǵdarlamanyń bolýy zańdy. «Áiel baqytynyń» sharýasymen júgirgende Láilá hanymnyń «Balapan» úshin «bas aýyrtatyndai» múmkindigi de bolma ma? Jaraidy, múmkindigi jetti delik. Biraq halyq aldyndaǵy moraldyq kelbetin qaida qoiamyz? Osy jaǵyn oilaǵan adam bar ma?
Sóz joq, Láilá hanym juldyzdarǵa qatysty baǵdarlamalardy daiyndaýda myqty maman. Al balalarǵa qatysty arnanyń basshylyǵynda balalardyń janyn túsinetin maman otyrýy kerek. Áriptesimiz eki keminiń quiryǵyn ustaý qashanda qaýipti ekenin biz aitpasaq ta, ózi de biledi.
Áńgime arasynda «Balapan» balalarǵa arnalǵan myqty arnamen básekelesýi úshin tartymdy mýltfilmder túsirýi kerek ekenin aittyq. Qazirgi tańda memlekettik mýltfilm túsirýge bólgen qarjysyn «Qazaqfilm» igeredi. Menińshe, sol qarjyny «Balapanǵa» burý kerek. Bul úshin «Balapannyń» basshysy biik minbelerde oiyn ashyq aityp, isinde tabandylyq tanytatyn qairatker adam bolýy tiis. Al mundai harizma Láilá hanymnyń boiynda bar dep eshkim aita almasy anyq.
Nurlan JUMAHAN
(maqala avtordyń Feisbýktaǵy paraqshasynan alyndy)
