الداعى ۋاقىتتا «بالاپان» ارناسى Nickelodeon مەن TiJi-دٸڭ ورىنىن باسۋ ٷشٸن كٶپ جۇمىس ٸستەۋٸ كەرەك? قازٸر «بالاپاندى» اۋىلدىڭ بالالارى عانا قارايدى, ال قالانىڭ بالالارى جوعارىدا ايتقان ەكٸ ارنانىڭ تۇراقتى «كٶرەرمەنٸ» دەسەك قاتەلەسپەيمٸز. بٸزدەر اۋىل مەن قالاداعى بالا بٸتكەننٸڭ بەرٸ «بالاپاننىڭ» كٶرەرمەنٸ بولعانىن قالايمىز. ەرينە, بۇل ٷشٸن شەتەلدٸك ارنالارمەن قالىسپاي, بەسەكەلەسٸپ جۇمىس ٸستەۋ كەرەك.
بۇل رەتتە «بالاپان» ارناسى قازاقى ٶمٸرگە لايىق, زاماناۋي مۋلتفيلمدەر تٷسٸرۋٸ كەرەك.
مەنٸڭشە, «بالاپان» ارناسىنىڭ قازٸرگٸ باسشىلعى مۇنداي بيٸك دەڭگەيدە جۇمىس ٸستەي الماۋدا. «بالاپان» ارناسى دەگەندە ونىڭ ديرەكتورى لەيلە سۇلتانقىزى ەسٸمٸزگە تٷسەدٸ. ال لەيلە سۇلتانقىزى ەسٸمٸزگە تٷسكەندە ەنشٸ-ەرتٸستەردٸ (بٸر رەت قىزتەكەنٸ تاۋىپ, حابار جاساعانىن دا ەلدٸڭ ەسٸندە) جيناپ الىپ, «ەيەل باقىتىندا» ەڭگٸمە سوعىپ وتىرعان شوۋ-جٷرگٸزۋشٸ ەسكە تٷسەدٸ. قۇدى بٸر قىس بولىپ, تۇرىپ جادىراپ جاز شىققانداي ەرٸ-سەرٸ كٷيگە تٷسەسٸڭ. وسىنداي بٸر-بٸرٸنە كەرەعار كٶرٸنٸستەر ەرقايسىمىزدىڭ وي-سانامىزدا شارلاپ جٷرگەنٸ جاسىرىن ەمەس.
لەيلە حانىم «ەيەل باقىتى» باعدارلاماسى سەتتٸ شىعۋى ٷشٸن بار كٷش-جٸگەرٸن جۇمىساپ, ەڭبەكتەنٸنٸپ جٷرگەنٸن جوققا شىعارمايمىز. يە, قوعامدا سۇرانىس بولعاننان كەيٸن مۇنداي باعدارلامانىڭ بولۋى زاڭدى. «ەيەل باقىتىنىڭ» شارۋاسىمەن جٷگٸرگەندە لەيلە حانىمنىڭ «بالاپان» ٷشٸن «باس اۋىرتاتىنداي» مٷمكٸندٸگٸ دە بولما ما? جارايدى, مٷمكٸندٸگٸ جەتتٸ دەلٸك. بٸراق حالىق الدىنداعى مورالدىق كەلبەتٸن قايدا قويامىز? وسى جاعىن ويلاعان ادام بار ما?
سٶز جوق, لەيلە حانىم جۇلدىزدارعا قاتىستى باعدارلامالاردى دايىنداۋدا مىقتى مامان. ال بالالارعا قاتىستى ارنانىڭ باسشىلىعىندا بالالاردىڭ جانىن تٷسٸنەتٸن مامان وتىرۋى كەرەك. ەرٸپتەسٸمٸز ەكٸ كەمٸنٸڭ قۇيرىعىن ۇستاۋ قاشاندا قاۋٸپتٸ ەكەنٸن بٸز ايتپاساق تا, ٶزٸ دە بٸلەدٸ.
ەڭگٸمە اراسىندا «بالاپان» بالالارعا ارنالعان مىقتى ارنامەن بەسەكەلەسۋٸ ٷشٸن تارتىمدى مۋلتفيلمدەر تٷسٸرۋٸ كەرەك ەكەنٸن ايتتىق. قازٸرگٸ تاڭدا مەملەكەتتٸك مۋلتفيلم تٷسٸرۋگە بٶلگەن قارجىسىن «قازاقفيلم» يگەرەدٸ. مەنٸڭشە, سول قارجىنى «بالاپانعا» بۇرۋ كەرەك. بۇل ٷشٸن «بالاپاننىڭ» باسشىسى بيٸك مٸنبەلەردە ويىن اشىق ايتىپ, ٸسٸندە تاباندىلىق تانىتاتىن قايراتكەر ادام بولۋى تيٸس. ال مۇنداي حاريزما لەيلە حانىمنىڭ بويىندا بار دەپ ەشكٸم ايتا الماسى انىق.
نۇرلان جۇماحان
(ماقالا اۆتوردىڭ فەيسبۋكتاعى پاراقشاسىنان الىندى)
