Sybailas jemqorlyqqa qarsy is-qimyl agenttigi tóraǵasynyń orynbasary Darhan Quraqbaev Senat dálizinde burynǵy mádeniet jáne sport vitse-ministri Erlan Qojaǵapanovqa qatysty qylmystyq is sotqa joldanǵanyn málimdedi, - dep habarlaidy Dalanews.kz.
«Is aiaqtaldy. Qojaǵapanov pen merdiger uiym basshysy sotqa berildi, sot protsesi júrip jatyr. Olarǵa asa iri kólemde qarjy jymqyrý aiyby taǵylǵan», – dedi Quraqbaev.
Onyń aitýynsha, bul is boiynsha memleketke keltirilgen ziian kólemi 1 milliard teńgeden asady jáne shyǵyn ózgerissiz qalyp otyr.
«Sot protsesi aiaqtalýǵa jaqyn dep oilaimyn. Qylmystyq baptyń sanktsiiasyna sáikes oǵan 7 jyldan 12 jylǵa deiingi jaza qarastyrylǵan. Alaida túpkilikti sheshimdi sot shyǵarady. Protsess ashyq ótip jatyr», – dep atap ótti Antikor ókili.
Iri laýazymdy qyzmetter atqarǵan Qojaǵapanov ne úshin ustaldy?
Byltyr 1 naýryzda Sybailas jemqorlyqqa qarsy qyzmet jasyryn is-sharalar nátijeleri boiynsha mádeniet jáne sport eks-vitse-ministri Qojaǵapanovty aýyr jemqorlyq qylmysyn jasady degen kúdikpen ustady.
"Kommertsiialyq uiymnyń múddesi úshin áreket ete otyryp, ol 2018 jyly Petropavl qalasynda Qazaqstan Respýblikasy men Resei Federatsiiasynyń 15-shi óneraralyq yntymaqtastyq forýmynyń kórmesin uiymdastyrý boiynsha shart jasaýdy qoldanǵan. Bul rette forýmdy ótkizý úshin smeta eki esege ósti. Bul biýdjet qarajaty negizsiz jumsalýyna ákep soqty. Qylmystyq jolmen alynǵan aqshaǵa satyp alynǵan múlik anyqtaldy jáne oǵan tyiym salyndy", - dedi Antikor ókili buǵan deiin.
Aita keteiik, Erlan Qojaǵapanov Astana ákiminiń orynbasary, QR Sport jáne dene shynyqtyrý isteri agenttiginiń tóraǵasy, QR Fýtbol federatsiiasynyń prezidenti boldy.
Sonymen qatar, QR premer-ministri keńesshisiniń mindetin atqarýshy, keńesshisi, QR mádeniet jáne sport vitse-ministri, Almaty ákiminiń birinshi orynbasary boldy.
