Depýtat Amanjol Áltai Májilis minberinde qarttar úiiniń máselesin kóterdi, – dep habarlaidy Dalanews.kz.
Onyń sózinshe, qoǵamda qartaiǵan ata-anasyna jatsyna qaraityn bezbúirek ul men kesirli kelin, tasjúrek nemereler kóbeiip barady. Sonyń kesirinen qartaiǵan kisiler boidan qýat, bilekten kúsh ketken, kárilik alqymdaǵan egde shaǵynda ishten shyqqan óz balasyna ógei bolyp qarttar úiin panalaidy.
“Qarty bar úidiń - qazynasy bar" degen qundylyqtyń mánin uqpaǵan jetesiz urpaq kóbeiip otyr. Óz balasy ózekke teýip, óksigi ulǵaiǵan, kókiregine sher bailanǵan shermende qarttardyń barlyǵy asyraýshy balalary joq tul adamdar emes.
Qarttar úiin panalaǵandardyń ishinde balalary laýazymdy qyzmet atqaratyn, kásippen ainalysatyn, urpaqtary baqýatty turatyn beibaqtar da bar", - dedi ol.
Osy tusta depýtat mańyzdy bastama kóterdi.
"Qarttar úiin panalaýǵa májbúr bolǵan qariialardyń dári-dármegi, shipajailarda emdelýi, taǵy basqa materiialdyq qajettiligi úshin ómirdegi eń qymbatty ata-anasyn kereksiz qylǵan kókek balalarynyń tabysynan ustap otyrýdy usynamyn", - dedi Amanjol Áltai.
Resmi derek boiynsha elimizde arnaiy áleýmettik qyzmet kórsetý boiynsha 45 memlekettik ortalyq (qarttar úileri) jumys isteidi.
Eńbek jáne halyqty áleýmettik qorǵaý ministrliginiń málimetine súiensek, 2024 jylǵy 31 shildedegi jaǵdai boiynsha osy ortalyqtarda 5,9 myń egde jastaǵy adam bar.
