Sharanyń negizgi maqsaty QR Prezıdenti N.Nazarbaevtyń «Bolashaqqa baǵdar: rýhanı jańǵyrý» baǵdarlamasyn júzege asyrý aıasynda turǵyndar arasynda latyn qarpine kóshý qajettiligi boıynsha túsindirý jumystaryn júrgizý, latyn qarpine kóshý boıynsha ózekti máselelerdi talqylaý.
Jıynda Qajet Andas – oblystyq «Jetisý» gazetiniń tilshisi, Isaeva Qalamqas Esenqulqyzy – «Aýyl» halyqtyq-demokratıalyq patrıottyq partıasynyń oblystyq fılıaly tóraǵasynyń orynbasary, Taldyqorǵan qalasynyń Qoǵamdyq Keńesiniń múshesi, Boranbaev Damır Qalybekuly – «Birlik» partıasynyń oblystyq fılıaly tórǵasynyń orynbasary, Kalıeva Bakyt Asanqyzy – «Jas urpaq» qoǵamdyq birlestiginiń tóraıymy, Oksana Iahımovıch – Taldyqorǵan qalalyq máslıhatynyń depýtaty óz pikirlerimen bólisti.
«Qazirgi kezeńde bilim salasyndaǵy jańa reformanyń júzege asyrylýy da, ıaǵnı jańartylǵan bilim mazmuny osy latyn álipbıine kóshýde óz úlesin qosady degen oıdamyn. Oǵan dálel, bastaýysh býynnan bastap tildiń úsh tuǵyrlyǵynyń basymdyǵynyń bastaý alýy kerek» - dep «Aýyl» halyqtyq-demokratıalyq patrıottyq partıasynyń oblystyq fılıaly tóraǵasynyń orynbasary, Taldyqorǵan qalasynyń Qoǵamdyq Keńesiniń múshesi Isaeva Qalamqas Esenqulqyzy aıtty.
«Áriptesterimizdiń basym kópshiligi Elbasyna qoldaý bildirýde jáne latyn qarpine kóshý úrdisin qajet dep esepteıdi» degen pikirdi «Jas urpaq» qoǵamdyq birlestiginiń tóraıymy Kalıeva Bakyt Asanqyzy bildirdi.
Jıyn pikir-talas, suraq-jaýaptar formatymen aıaqtaldy.
