شارانىڭ نەگىزگى ماقساتى ق ر پرەزيدەنتى ن.نازاربايەۆتىڭ «بولاشاققا باعدار: رۋحاني جاڭعىرۋ» باعدارلاماسىن جۇزەگە اسىرۋ اياسىندا تۇرعىندار اراسىندا لاتىن قارپىنە كوشۋ قاجەتتىلىگى بويىنشا ءتۇسىندىرۋ جۇمىستارىن جۇرگىزۋ، لاتىن قارپىنە كوشۋ بويىنشا وزەكتى ماسەلەلەردى تالقىلاۋ.
جيىندا قاجەت انداس – وبلىستىق «جەتىسۋ» گازەتىنىڭ ءتىلشىسى، يسايەۆا قالامقاس ەسەنقۇل قىزى – «اۋىل» حالىقتىق-دەموكراتيالىق پاتريوتتىق پارتياسىنىڭ وبلىستىق فيليالى ءتوراعاسىنىڭ ورىنباسارى، تالدىقورعان قالاسىنىڭ قوعامدىق كەڭەسىنىڭ مۇشەسى، بورانبايەۆ دامير قالىبەك ۇلى – «بىرلىك» پارتياسىنىڭ وبلىستىق فيليالى ءتورعاسىنىڭ ورىنباسارى، كالييەۆا باكىت اسان قىزى – «جاس ۇرپاق» قوعامدىق بىرلەستىگىنىڭ ءتورايىمى، وكسانا ياحيموۆيچ – تالدىقورعان قالالىق ءماسليحاتىنىڭ دەپۋتاتى ءوز پىكىرلەرىمەن ءبولىستى.
«قازىرگى كەزەڭدە ءبىلىم سالاسىنداعى جاڭا رەفورمانىڭ جۇزەگە اسىرىلۋى دا، ياعني جاڭارتىلعان ءبىلىم مازمۇنى وسى لاتىن الىپبيىنە كوشۋدە ءوز ۇلەسىن قوسادى دەگەن ويدامىن. وعان دالەل، باستاۋىش بۋىننان باستاپ ءتىلدىڭ ءۇش تۇعىرلىعىنىڭ باسىمدىعىنىڭ باستاۋ الۋى كەرەك» - دەپ «اۋىل» حالىقتىق-دەموكراتيالىق پاتريوتتىق پارتياسىنىڭ وبلىستىق فيليالى ءتوراعاسىنىڭ ورىنباسارى، تالدىقورعان قالاسىنىڭ قوعامدىق كەڭەسىنىڭ مۇشەسى يسايەۆا قالامقاس ەسەنقۇل قىزى ايتتى.
«ارىپتەستەرىمىزدىڭ باسىم كوپشىلىگى ەلباسىنا قولداۋ بىلدىرۋدە جانە لاتىن قارپىنە كوشۋ ءۇردىسىن قاجەت دەپ ەسەپتەيدى» دەگەن پىكىردى «جاس ۇرپاق» قوعامدىق بىرلەستىگىنىڭ ءتورايىمى كالييەۆا باكىت اسان قىزى ءبىلدىردى.
جيىن پىكىر-تالاس، سۇراق-جاۋاپتار فورماتىمەن اياقتالدى.
