Eksperttik talqylaýǵa Qazaqstan Respýblıkasynyń Prezıdenti janyndaǵy Qazaqstannyń strategıalyq zertteýler ınstıtýtynyń ekspertteri, oblystyń zıaly qaýym ókilderi, joǵary oqý oryndarynyń oqytýshylary men stýdentteri, til mamandary qatysty.
Eksperttik talqylaýda Qazaqstannyń Strategıalyq zertteýler ınstıtýtynyń «Áleýmettik-saıası zertteýler» bóliminiń jetekshisi, Ph.D Joldybalına Alýa Serikqyzy latyn álipbıine kóshýdiń joldary jáne álemdik deńgeıdegi latyn álipbıiniń mańyzdylyǵyn naqty ǵylymı aıǵaqtarmen aıtyp ótti.
Sondaı-aq, latyn álipbıine ótken memleketterdiń tájirıbelerin kórsetip, latyn álipbıine ótý jalpy orta eseppen 12-15 jyl ýaqyt talap etetindigin jáne latyn álipbıine kóshý barysynda qazaq tiliniń úndestik zańdylyqtaryn saqtaý qajettigine toqtaldy.
Al, halyqaralyq «Alash» syılyǵynyń laýreaty Marhabat Baıǵut latyn álipbıne kóshý ýaqyttyń talaby ekendigin aıtyp,
usynylǵan latyn álipbıindegi 25 áripterdi eshqandaı ózgeristerge ushyratpaı sol qalpynda qaldyrýdy qoldaıtyndyǵyn jetkizdi.
Sonymen qatar, fılologıa ǵylymdarynyń doktory, profesor, M.Áýezov atyndaǵy OQMÝ-dyń fılologıa fakúltetiniń dekany Tileýberdıev Bolatbek Maqulbekuly latyn álipbıine kóshýdiń qazirgi jastar úshin jańa zamanaýı tehnologıany ıgerýdiń birden-bir joly ekendigin aıtty.
M.Áýezov atyndaǵy OQMÝ-i jaratylystaný fakúltetiniń 3 kýrs stýdenti Hamraev Alısher latyn álipbıine kóshýdi jastar qoldaıtyndyǵyn jáne Túrki tildes memleketter arasyndaǵy qarym-qatynastyń nyǵaıýyna zor múmkindik beretinin aıtyp ótti
