ەكسپەرتتىك تالقىلاۋعا قازاقستان رەسپۋبليكاسىنىڭ پرەزيدەنتى جانىنداعى قازاقستاننىڭ ستراتەگيالىق زەرتتەۋلەر ينستيتۋتىنىڭ ەكسپەرتتەرى، وبلىستىڭ زيالى قاۋىم وكىلدەرى، جوعارى وقۋ ورىندارىنىڭ وقىتۋشىلارى مەن ستۋدەنتتەرى، ءتىل ماماندارى قاتىستى.
ەكسپەرتتىك تالقىلاۋدا قازاقستاننىڭ ستراتەگيالىق زەرتتەۋلەر ينستيتۋتىنىڭ «الەۋمەتتىك-ساياسي زەرتتەۋلەر» ءبولىمىنىڭ جەتەكشىسى، Ph.D جولدىبالينا الۋا سەرىك قىزى لاتىن الىپبيىنە كوشۋدىڭ جولدارى جانە الەمدىك دەڭگەيدەگى لاتىن ءالىپبيىنىڭ ماڭىزدىلىعىن ناقتى عىلىمي ايعاقتارمەن ايتىپ ءوتتى.
سونداي-اق، لاتىن الىپبيىنە وتكەن مەملەكەتتەردىڭ تاجىريبەلەرىن كورسەتىپ، لاتىن الىپبيىنە ءوتۋ جالپى ورتا ەسەپپەن 12-15 جىل ۋاقىت تالاپ ەتەتىندىگىن جانە لاتىن الىپبيىنە كوشۋ بارىسىندا قازاق ءتىلىنىڭ ۇندەستىك زاڭدىلىقتارىن ساقتاۋ قاجەتتىگىنە توقتالدى.
ال، حالىقارالىق «الاش» سىيلىعىنىڭ لاۋرەاتى مارحابات بايعۇت لاتىن الىپبينە كوشۋ ۋاقىتتىڭ تالابى ەكەندىگىن ايتىپ،
ۇسىنىلعان لاتىن الىپبيىندەگى 25 ارىپتەردى ەشقانداي وزگەرىستەرگە ۇشىراتپاي سول قالپىندا قالدىرۋدى قولدايتىندىعىن جەتكىزدى.
سونىمەن قاتار، فيلولوگيا عىلىمدارىنىڭ دوكتورى، پروفەسسور، م.اۋەزوۆ اتىنداعى وقمۋ-دىڭ فيلولوگيا فاكۋلتەتىنىڭ دەكانى تىلەۋبەردييەۆ بولاتبەك ماقۇلبەك ۇلى لاتىن الىپبيىنە كوشۋدىڭ قازىرگى جاستار ءۇشىن جاڭا زاماناۋي تەحنولوگيانى يگەرۋدىڭ بىردەن-بىر جولى ەكەندىگىن ايتتى.
م.اۋەزوۆ اتىنداعى ءوقمۋ-ى جاراتىلىستانۋ فاكۋلتەتىنىڭ 3 كۋرس ستۋدەنتى حامرايەۆ اليشەر لاتىن الىپبيىنە كوشۋدى جاستار قولدايتىندىعىن جانە تۇركى تىلدەس مەملەكەتتەر اراسىنداعى قارىم-قاتىناستىڭ نىعايۋىنا زور مۇمكىندىك بەرەتىنىن ايتىپ ءوتتى
