Kýala-Lýmpýrde KHDR lideri Kim Chen Ynnyń úlken aǵasy Kim Chen Namnyń óliminen keiin Malaiziia men Soltústik Koreia arasynda diplomatiialyq janjal órship barady.
Malaiziia 20 aqpanda Pheniannan óziniń elshisin shaqyryp aldy ári Soltústik Koreia elshisinen Malaiziiany isti tergeýge qatysty "syrtqy kúshtermen" bailanysy bar degen aiyptaýyn túsindirýdi talap etti.
Malaiziia sonymen birge 13 aqpanda Kim Chen Namǵa shabýyldaǵannan keiin Kýala-Lýmpýr áýejaiyndaǵy qaýipsizdik kamerasyndaǵy kadrlardyń ashyqtyǵyn aitty. Onda eki áiel Kim Chen Namnyń betin ý jaqqan shúberekpen búrkegen. Birneshe saǵattan keiin Kim Chen Nam kóz jumady. Bul isti tergeý barysynda politsiia tórt adamdy ustaǵan. Basqa da kúdiktilerdi izdeý jumystary júrip jatyr.
Ońtústik Koreia men AQSh Kim Chen Namdy soltústikkoreialyq qaýipsizdik qyzmetkerleri óltirdi dep boljaidy. Malaiziia teksermeiinshe, Kim Chen Namnyń denesin berýden bas tartyp otyr. Zertteýdiń aldyn ala nátijesi 22 aqpanda belgili bolady. Malaiziia SIM marqumnyń denesi jaqyn týystaryna beriletinin habarlady.
Soltústikkoreialyq BAQ oqiǵa jóninde tis jarmady. Kim Chen Nam Soltústik Koreianyń burynǵy lideri Kim Chen Irdiń úlken uly. Ol kóptegen jyldar boiy qýǵynda ómir súrdi. Negizinen Makaoda turdy.
