Esterińizge salaiyq, aqbókenderdi atýǵa jariialanǵan moratorii biyl bitýshi edi. Sol moratorii taǵy uzardy.
Kóktemde sharýalar kiik egindi taptap, jaiylym jer qaldyrmaǵanyn aityp, shaǵymdanǵan bolatyn.
Ásirese Batys, Ortalyq, Soltústik Qazaqstanda aqbóken basy edáýir kóbeigen. Ógizdi de óltirmei, arbany da syndyrmaý úshin Ekologiia ministri 80 myńdai kiikti atyp azaitýdy kózdegen edi.
Ministrliktiń bul usynysy halyq arasynda, ǵylymi ortada qyzý talqylandy. Sharýalar bir jaq, qasietti janýardy jaqtaǵandar bir jaq bolyp biraz aitysqan-dy.
Sol kezde ministrlik ókilderi naqty qanasha kiik atylatynan, janýardyń etin ne isteitinin dál aita almaǵan-dy.
Endi jyl sońynda moratoriidi uzartý qajet dep sheshipti. Elimizde kezeń-kezeńimen jariialanǵan shekteýdiń arqasynda aqbóken sany birshama kóbeigen. Qazir qazaq dalasynda bir million 300 myńdai kiik bar.
